ഇന്ധന വില വർധനയെ തുടർന്ന് സംസ്ഥാനത്ത് സ്വകാര്യ ബസുകള് അനിശ്ചിതകാല സമരത്തിലേക്ക്. അടുത്ത മാസം ഒന്പതാം തീയതി മുതല് അനിശ്ചിതകാലത്തേക്ക് സര്വീസ് നിര്ത്തിവെയ്ക്കുമെന്നാണ് ബസുടമകള് അറിയിച്ചിരിക്കുന്നത്. ബസ്ചാർജ് മിനിമം ചാർജ് 12 രൂപയാക്കുക, കിലോമീറ്റർ നിരക്ക് 1 രൂപയാക്കുക, വിദ്യാർത്ഥിയാത്ര മിനിമം 6 രൂപയും തുടർന്നുള്ള ചാർജ് 50% ആക്കുക, കൊവിഡ് കാലം കഴിയുന്നത് വരെ വാഹന നികുതി പൂർണമായും ഒഴിവാക്കുക തുടങ്ങിയ ആവശ്യങ്ങൾ ഉന്നയിച്ചാണ് അനിശ്ചിതകാല സമരം.കോവിഡ് , ഇന്ധനവില വര്ധന എന്നിവ കാരണം സര്വീസ് തുടരാന് കഴിയാത്ത സ്ഥിതിയിലാണെന്ന് ബസുടമകള് പറയുന്നു. 2018ലാണ് ഇതിന് മുന്പ് ബസ് ചാര്ജ് പരിഷ്കരിച്ചത്. അന്ന് ഡീസലിന് ലിറ്ററിന് 60ന് മുകളിലായിരുന്നു വില. ഇപ്പോള് ഇത് നൂറ് കടന്നു.
