കോഴിക്കോട്: യുഡിഎഫിന്റെ തിരഞ്ഞെടുപ്പ് പ്രചാരണത്തിന് കരുത്തുപകരാൻ രാഹുൽ ഗാന്ധി ഇന്ന് കേരളത്തിലെത്തും. വൈകിട്ട് 4 മണിക്ക് കോഴിക്കോട് ബീച്ചിൽ നടക്കുന്ന പൊതുസമ്മേളനത്തെ അദ്ദേഹം അഭിസംബോധന ചെയ്യും. പരിപാടിക്ക് ശേഷം സജ്ജീകരിച്ച പ്രത്യേക ബസ്സിലായിരിക്കും അദ്ദേഹം കരിപ്പൂർ വിമാനത്താവളത്തിലേക്ക് മടങ്ങുക.
കോൺഗ്രസ് നേതാവ് രാഹുൽ ഗാന്ധിയുടെ സന്ദർശനത്തോടനുബന്ധിച്ച് കോഴിക്കോട് സിറ്റി പോലീസ് ബുധനാഴ്ച കോഴിക്കോട് നഗരത്തിൽ ഗതാഗത നിയന്ത്രണം ഏർപ്പെടുത്തിയിട്ടുണ്ട്. യാത്രക്കാർ ശ്രദ്ധിക്കുക:
📍 പാർക്കിംഗ് ക്രമീകരണങ്ങൾ:👇
താഴെ പറയുന്ന ഭാഗങ്ങളിൽ നിന്ന് വരുന്ന വാഹനങ്ങൾ നോർത്ത് ബീച്ച്, വെള്ളയിൽ ബീച്ച് പാർക്കിംഗ് ഗ്രൗണ്ടുകൾ ഉപയോഗിക്കേണ്ടതാണ്.
🔹 വടകര, കൊയിലാണ്ടി ഭാഗം: വെങ്ങളം – വെങ്ങാലി ബ്രിഡ്ജ് വഴി എത്തുക.
🔹 പേരാമ്പ്ര, നടുവണ്ണൂർ, ഉള്ളേരി ഭാഗം: അത്തോളി – തിരുവങ്ങൂർ – വെങ്ങളം വഴി എത്തുക.
🔹 ബാലുശ്ശേരി, കക്കോടി ഭാഗം: വേങ്ങേരി – പൂളാടിക്കുന്ന് – വെങ്ങളം വഴി എത്തുക.
🔹 മലാപ്പറമ്പ് ഭാഗം: എരഞ്ഞിപ്പാലം – ക്രിസ്ത്യൻ കോളേജ് വഴി എത്തുക.
🔹 മെഡിക്കൽ കോളേജ് ഭാഗം: തൊണ്ടയാട് – അരയിടത്തുപാലം – ക്രിസ്ത്യൻ കോളേജ് വഴി എത്തുക.
⚠️ പ്രത്യേക ശ്രദ്ധയ്ക്ക്:👇
ഒരാൾ മാത്രമായി യാത്ര ചെയ്യുന്ന നാലുചക്ര വാഹനങ്ങൾ നഗരത്തിന് പുറത്ത് പാർക്ക് ചെയ്യാൻ ശ്രമിക്കുക.
നഗരത്തിലെ റോഡുകളിൽ പാർക്കിംഗ് അനുവദിക്കില്ല.
തടസ്സമുണ്ടാക്കുന്ന വാഹനങ്ങൾ റിക്കവറി വാൻ ഉപയോഗിച്ച് നീക്കം ചെയ്യും.
പോലീസ് നിർദ്ദേശങ്ങൾ കർശനമായി പാലിക്കുക.
അതേസമയം പ്രതിപക്ഷ നേതാവ് ഇന്ന് പാലക്കാട് ജില്ലയിൽ വിവിധ കൺവെൻഷനുകളിൽ പങ്കെടുക്കും. രാവിലെ 9 മണിക്ക് ഒറ്റപ്പാലം യുഡിഎഫ് തിരഞ്ഞെടുപ്പ് കൺവെൻഷൻ ഉദ്ഘാടനം ചെയ്യും. തുടർന്ന് കോങ്ങാട് യുഡിഎഫ് കൺവെൻഷനിലും അദ്ദേഹം സംസാരിക്കും.
