പാകിസ്താനില് ചാവേറാക്രമണം. എട്ട് പേര് മരിച്ചു. 35 പേര്ക്ക് പരുക്ക്. ഖൈബര് പഖ്തുന്ഖ്വയിലാണ് സ്ഫോടനം നടന്നത്.തിരക്കേറിയ മാര്ക്കറ്റില് സ്ഫോടകവസ്തുക്കള് നിറച്ച ഓട്ടോ റിക്ഷ പൊട്ടിത്തെറിക്കുകയായിരുന്നു. മരിച്ചതില് രണ്ട് പൊലീസ് ഉദ്യോഗസ്ഥരും ഉള്പ്പെടുന്നു. ആവര്ത്തിച്ചുള്ള തീവ്രവാദ പ്രവര്ത്തനങ്ങള്ക്ക് സാക്ഷ്യം വഹിക്കുന്ന പ്രദേശമായ ലക്കി മര്വാട്ടില് സ്ഫോടകവസ്തു നിറച്ച വാഹനം പൊട്ടിത്തെറിച്ചപ്പോഴാണ് സ്ഫോടനം നടന്നതെന്ന് പൊലീസ് സ്ഥിരീകരിച്ചു.
സ്ഫോടകവസ്തുക്കള് നിറച്ച ഓട്ടോറിക്ഷയിലാണ് അക്രമി സഞ്ചരിച്ചിരുന്നതെന്ന് ജില്ലാ പൊലീസ് ഉദ്യോഗസ്ഥന് പറഞ്ഞു. തിരക്കേറിയ നൗറംഗ് ബസാര് പ്രദേശത്തെ ഫട്ടക് ചൗക്കിലാണ് സ്ഫോടനം നടന്നത്. രണ്ട് ട്രാഫിക് പൊലീസ് ഉദ്യോഗസ്ഥരും ഒരു സ്ത്രീയും കൊല്ലപ്പെട്ടവരില് ഉള്പ്പെടുന്നുവെന്നും പരുക്കേറ്റവരെ സരായ് നൗറംഗിലെ തഹസില് ഹെഡ്ക്വാര്ട്ടേഴ്സ് ആശുപത്രിയില് പ്രവേശിപ്പിച്ചുവെന്നും പൊലീസ് ഉദ്യോഗസ്ഥര് പറഞ്ഞു.
