കോഴിക്കോട്: ഭരണഘടനയുടെ 75-ാം വാര്ഷികാഘോഷങ്ങളുടെ ഭാഗമായി ‘ഭരണഘടനയുടെ 75 വര്ഷങ്ങള്’ എന്ന പ്രഭാഷണ പരമ്പരയില് ഏഴാമത് പ്രഭാഷണം ജലവിഭവ വികസന വിനിയോഗ കേന്ദ്രത്തില് സംഘടിപ്പിച്ചു.
അഡ്വ. ശിവന് മഠത്തില് നയിച്ച പ്രഭാഷണത്തില് ഭരണഘടനയുടെ മൂല്യങ്ങള്, തത്ത്വചിന്ത, ധാര്മ്മികത, ഭരണഘടന വിഭാവനം ചെയ്യുന്ന സുസ്ഥിര വികസനം തുടങ്ങിയ വിഷയങ്ങള് വിശദമായി അവതരിപ്പിച്ചു. ശുദ്ധജലത്തിനും പരിസ്ഥിതിക്കും ഉള്ള അവകാശം, ഭക്ഷ്യസുരക്ഷ, ജൈവസുരക്ഷാ നിയമത്തിന്റെ ആവശ്യകത എന്നിവയും പ്രഭാഷണത്തില് ചര്ച്ചയായി.
കോണ്സ്റ്റിറ്റിയൂഷണല് സ്റ്റഡീസ് ആന്ഡ് റിസര്ച്ച് സെന്ററിന്റെ ആഭിമുഖ്യത്തില് സംഘടിപ്പിച്ച പരിപാടിയില് സി.ഡബ്ല്യു.ആര്.ഡി.എം. എക്സിക്യൂട്ടീവ് ഡയറക്ടര് ഡോ. വി. അനിത, ഡോ. അനില അലക്സ്, ഫെബിന് കെ. എസ്. എന്നിവര് സംസാരിച്ചു.
