കൊച്ചി: സംസ്ഥാന വഖഫ് ബോർഡിന്റെ പ്രവർത്തനം താൽക്കാലികമായി മരവിപ്പിച്ചുകൊണ്ട് ഹൈക്കോടതിയുടെ നിർണായക ഉത്തരവ്. വഖഫ് ബോർഡ് പ്രവർത്തനങ്ങൾക്കെതിരെ നൽകിയ നിരവധി ഹർജികൾ പരിഗണിച്ചാണ് കോടതി നടപടി. കേസിൽ ഹൈക്കോടതിയിൽ നിന്ന് ഇനിയൊരു ഉത്തരവുണ്ടാകുന്നത് വരെ വഖഫ് ബോർഡിന്റെ എല്ലാവിധ നടപടികളും നിർത്തിവെക്കേണ്ടി വരും. വഖഫ് ബോർഡിന്റെ ചുമതലകൾ താൽക്കാലികമായി നിർവഹിക്കുന്നതിനായി സംസ്ഥാന വഖഫ് വകുപ്പ് ജോയിന്റ് സെക്രട്ടറിക്ക് കോടതി ചുമതല നൽകിയിട്ടുണ്ട്. കേസ് ബുധനാഴ്ച കോടതി വീണ്ടും പരിഗണിക്കും.
