തിരുവനന്തപുരം: തിരുവനന്തപുരത്തും നീണ്ടകരയിലും മത്സ്യത്തൊഴിലാളികളെ കാണാതായിട്ട് പത്ത് ദിവസം. എങ്ങുമെത്താതെ തിരച്ചിൽ. കാണാതായവര്ക്കായി ഹെലികോപ്ടര് ഉപയോഗിച്ചുള്ള തിരച്ചില് വ്യാപകമാക്കുമെന്ന് അധികൃതർ. രാമേശ്വരം ഭാഗത്തേക്ക് തിരച്ചില് നടത്തണമെന്നാണ് ജോണിന്റെ കുടുംബത്തിന്റെ ആവശ്യം.
മുഖ്യമന്ത്രിയുടെ ആശ്വാസ വാക്കുകളല്ല തങ്ങള്ക്ക് വേണ്ടതെന്നും കടല് മക്കളെ അധിക്ഷേപിച്ച മുഖ്യമന്ത്രി മാപ്പ് പറയണമെന്നും കുടുംബം ആവശ്യപ്പെട്ടു.
മുതലപ്പൊഴിയില് കാണാതായ ഷിജിനായി സ്ക്യൂബ സംഘത്തിന്റെ പരിശോധന തുടങ്ങി. മത്സ്യത്തൊഴിലാളികളെ ഉള്ക്കൊള്ളിച്ചാണ് പരിശോധന നടത്തുന്നത്.
നീണ്ടകരയില് കാണാതായ ഗൗതം കൃഷ്ണക്കായുള്ള തിരച്ചിലിന് നേവി സംഘം എത്തി. പരിശോധനയ്ക്ക് നേവിയെത്തിയ സാഹചര്യത്തില് തല്ക്കാലം നിരാഹാര സമരത്തിന് ഇല്ലെന്ന് ഗൗതമിന്റെ അമ്മ പറഞ്ഞു.
