ഏറെ വിവാദമായ മൂന്ന് കാര്ഷിക നിയമങ്ങളും റദ്ദാക്കാനുള്ള ബില്ലിന് കേന്ദ്ര മന്ത്രിസഭ അംഗീകാരം നല്കി. മന്ത്രിസഭ അംഗീകാരം നല്കിയതായി ദേശീയ മാധ്യമങ്ങളാണ് റിപ്പോര്ട്ട് ചെയ്തത്. മൂന്ന് കേന്ദ്ര കാര്ഷിക നിയമങ്ങളും റദ്ദാക്കുമെന്ന് പ്രധാനമന്ത്രി നരേന്ദ്ര മോദി പ്രഖ്യാപിച്ചതിന് പിന്നാലെയാണ് 2021 ലെ ഫാം ലോസ് റിപ്പീല് ബില്ലിന് മന്ത്രിസഭയുടെ അംഗീകാരം ലഭിച്ചത്.
നവംബര് 29ന് ആരംഭിക്കുന്ന പാര്ലമെന്റിന്റെ ശീതകാല സമ്മേളനത്തില് പാസാക്കുന്നതിനായി പുതിയ ബില് ഇനി ലോക്സഭയില് അവതരിപ്പിക്കും.
കേന്ദ്രസര്ക്കാരിന്റെ മൂന്ന് കാര്ഷിക നിയമങ്ങളും പിന്വലിക്കണമെന്നാവശ്യപ്പെട്ട് ഒരു വര്ഷത്തിലേറെയായി കര്ഷകര് സമരം തുടരുന്നതിനിടെയാണ് നിയമം പിന്വലിക്കുന്നതായി പ്രധാനമന്ത്രി പ്രഖ്യാപനം നത്തുന്നത്. ഗുരുനാനാക് ജയന്തി ദിനത്തിലാണ് പ്രധാനമന്ത്രിയുടെ പ്രഖ്യാപനം ഉണ്ടായത്.
നിയമങ്ങള് റദ്ദാക്കാനുള്ള ബില് അടുത്ത പാര്ലമെന്റ് ശൈത്യകാല സമ്മേളനത്തില് കൊണ്ടുവരുമെന്നും മോദി അറിയിച്ചിരുന്നു. പഞ്ചാബ്, ഉത്തര്പ്രദേശ് തുടങ്ങിയ സംസ്ഥാനങ്ങളില് നിയമസഭാ തെരഞ്ഞെടുപ്പ് അടുത്തിരിക്കുന്ന സാഹചര്യത്തില്കൂടിയാണ് കേന്ദ്രസര്ക്കാര് നിര്ണായക തീരുമാനമെടുത്തത്.
