നടിയെ ആക്രമിച്ച കേസിലെ സാക്ഷികളുടെ കൂട്ടക്കൂറുമാറ്റത്തിനു പിന്നില് പ്രതി ദിലീപ് ആണെന്ന് പ്രോസിക്യൂഷന് ഹൈക്കോടതിയില്.ഇത് അസാധാരണമായ കേസാണെന്നും, ലൈംഗികപീഡനത്തിന് ക്രിമിനലുകൾക്ക് ക്വട്ടേഷൻ നൽകിയത് നീതിന്യായവ്യവസ്ഥയുടെ ചരിത്രത്തിൽത്തന്നെ ആദ്യമാണെന്നും, സമൂഹത്തിൽ വലിയ സ്വാധീനമുള്ള ദിലീപിന് മുൻകൂർ ജാമ്യം നൽകുന്നത് കേസിനെത്തന്നെ ബാധിക്കുമെന്നും പ്രോസിക്യൂഷൻ റിപ്പോർട്ടിൽ പറയുന്നു. നടിയെ ആക്രമിച്ച സംഭവത്തില് മുഖ്യ സൂത്രധാരന് ആണ് ദിലീപ് എന്നാണ് പ്രോസിക്യൂഷന് കോടതിയെ അറിയിച്ചത്.ലൈംഗിക പീഡനങ്ങള്ക്ക് പ്രതി ക്രിമിനല്ക്ക് ക്വട്ടേഷന് നല്കിയെന്ന ഗുരുതരമായ നിലപാടും പ്രോസിക്യൂഷന് ഉന്നയിക്കുന്നത്.നടിയെ ആക്രമിച്ച കേസിലെ സാക്ഷികള് കൂറുമാറിയതിന് പിന്നില് ദിലീപിന്റെ ഇടപെടലുണ്ട്. 20 സാക്ഷികളെ കുറുമാറ്റിയത് ദിലീപിന്റെ സ്വാധീനത്താലാണ്. ഈ സാഹചര്യങ്ങള് എല്ലാം വിലയിരുത്തുമ്പോള് ആസാധാരണ കേസാണിതെന്നും പ്രോസിക്യൂഷന് ചൂണ്ടിക്കാട്ടുന്നു.
കേസിലെ മറ്റു പ്രതികള്ക്കും മുന്കൂര് ജാമ്യം നല്കുന്നതിനെ പ്രോസിക്യൂഷന് എതിര്ത്തു. . ദിലീപ്, സഹോദരൻ അനൂപ്, സഹോദരീഭർത്താവ് സൂരജ്, ബന്ധുവായ അപ്പു, സുഹൃത്ത് ബൈജു ചെങ്ങമനാട്, പിന്നെ ‘വിഐപി’ എന്ന് വിളിക്കപ്പെട്ട ആറാമൻ ശരത് എന്നിവരുടെ മുൻകൂർ ജാമ്യാപേക്ഷയാണ് പ്രോസിക്യൂഷൻ ശക്തമായി എതിർക്കുന്നത്.
