അങ്ങാടിക്കൽ സർവീസ് സഹകരണ ബാങ്ക് തെരഞ്ഞെടുപ്പിന് പിന്നാലെ സിപിഐ നേതാക്കളെ സിപിഐഎം- ഡിവൈഎഫ്ഐ പ്രവര്ത്തകര് വളഞ്ഞിട്ട് മര്ദ്ദിക്കുന്ന ദൃശ്യങ്ങള് പുറത്ത്.കഴിഞ്ഞ ഞായറാഴ്ച നടന്ന സംഭവത്തിന്റെ ദൃശ്യങ്ങളാണ് ഇപ്പോള് പുറത്തുവന്നിരിക്കുന്നത്. സിപിഐ അങ്ങാടിക്കല് ലോക്കല് സെക്രട്ടറി സുരേഷ് ബാബു മണ്ഡലം സെക്രട്ടറിയേറ്റ് മെമ്പര് ഉദയന് എന്നിവരെയാണ് സിപിഐഎം പ്രവര്ത്തകര് നടുറോഡിലിട്ട് മര്ദ്ദിച്ചത്.ആക്രമണത്തിൽ പരിക്കേറ്റ ഇരുവരും ആശുപത്രിയിൽ ചികിത്സയിലാണ്. ബാങ്ക് തെരഞ്ഞെടുപ്പിലെ സംഘർഷത്തിന് പിന്നാലെ കഴിഞ്ഞ ഒരാഴ്ചയായി കൊടുമൺ അങ്ങാടിക്കൽ മേഖലയിൽ സിപിഎം സിപിഐ സംഘർഷങ്ങളും തുടരുകയാണ്. ഡിവൈഎഫ്ഐ പ്രവര്ത്തകര് തന്നെയാണ് ദൃശ്യങ്ങള് പുറത്തുവിട്ടത്.സംഭവത്തില് സിപിഐ പ്രവര്ത്തകര്ക്കെതിരെ മാത്രം ജാമ്യമില്ലാ വകുപ്പ് ചുമത്തി പൊലീസ് ഏകപക്ഷീയമായാണ് നടപടി സ്വീകരിച്ചതെന്നാരോപിച്ച് കഴിഞ്ഞ ദിവസം ഡിവൈഎസ്പിക്ക് പരാതി നല്കിയിരുന്നു.
