രാജ്യത്ത് കോവിഡ് വ്യാപനം കുറഞ്ഞ സാഹചര്യത്തില് വിദേശത്തുനിന്ന് എത്തുന്നവര്ക്ക് ഏഴു ദിവസം നിര്ബന്ധിത ക്വാറന്റൈനില് കഴിയണമെന്ന വ്യവസ്ഥ ഒഴിവാക്കി കേന്ദ്രസർക്കാർ.എട്ടാം ദിവസം ആര്ടിപിസിആര് ടെസ്റ്റ് നടത്തണമെന്നതും പുതിയ മാര്ഗരേഖയില് മാറ്റിയിട്ടുണ്ട്. തിങ്കളാഴ്ച മുതല് പുതിയ മാര്ഗ രേഖ പ്രാബല്യത്തില് വരും.സ്വയം നിരീക്ഷണത്തിൽ കഴിയുന്നവർ രോഗലക്ഷണങ്ങളുണ്ടായാൽ എത്രയും പെട്ടെന്ന് ആരോഗ്യ പ്രവർത്തകരുമായി ബന്ധപ്പെടണമെന്നും നിർദേശത്തിൽ പറയുന്നു.
ഏഴു ദിവസം നിര്ബന്ധിത ക്വാറന്റൈന്, എട്ടാം ദിവസം ടെസ്റ്റ്, നെഗറ്റിവ് ആണെങ്കിലും ഏഴു ദിവസം കൂടി സ്വയം നിരീക്ഷണം എന്നിങ്ങനെയാണ് നിലവിലെ മാര്ഗരേഖയില് പറയുന്നത്. ഇത് ഒഴിവാക്കിയാണ് 14 ദിവസം സ്വയം നിരീക്ഷണം എന്നതു മാത്രമായി ചുരുക്കിയത് .
എയര്പോര്ട്ടില് എത്തുന്ന ഓരോ വിമാനത്തിലെയും രണ്ടു ശതമാനം യാത്രക്കാരെ റാന്ഡം ചെക്കിങ്ങിനു വിധേയമാക്കും. ഇവര്ക്കു സാംപിള് കൊടുത്തു വീടുകളിലേക്കു പോവാം.
യാത്ര പുറപ്പടുന്നതിന് 72 മണിക്കൂര് മുമ്പ് എടുത്ത ആര്ടിപിസിആര് നെഗറ്റിവ് ഫലം അപ്ലോഡ് ചെയ്യണമെന്ന വ്യവസ്ഥ തുടരും. എന്നാല് ഇതിനു പകരം വാക്സിന് സര്ട്ടിഫിക്കറ്റ് അപ്ലോഡ് ചെയ്താലും മതിയാവുമെന്ന് പുതിയ മാര്ഗരേഖ പുറത്തിറക്കിക്കൊണ്ട് ആരോഗ്യമന്ത്രി മന്സൂഖ് മാണ്ഡവ്യ പറഞ്ഞു.
