കേരളത്തില് ഒഴിവുവരുന്ന മൂന്ന് രാജ്യസഭാ സീറ്റുകളിലേക്കുള്ള തിരഞ്ഞെടുപ്പ് പ്രഖ്യാപിച്ചു.ഏപ്രില് രണ്ടിന് കാലാവധി തീരുന്ന പശ്ചാത്തലത്തില് മാര്ച്ച് 31നാണ് തെരഞ്ഞെടുപ്പ്. എ.കെ.ആന്റണി, എം.വി. ശ്രേയാംസ് കുമാര്, കെ. സോമപ്രസാദ് എന്നിവരുടെ കാലാവധിയാണ് അവസാനിക്കുന്നത്.
കേരളമുള്പ്പടെ ആറ് സംസ്ഥാനങ്ങളിലെ ഒഴിവുവരുന്ന 13 രാജ്യസഭാ സീറ്റുകളിലേക്കുള്ള തിരഞ്ഞെടുപ്പാണ് കമ്മീഷന് പ്രഖ്യാപിച്ചിരിക്കുന്നത്. മാര്ച്ച് 14-ന് തിരഞ്ഞെടുപ്പ് വിജ്ഞാപനം പുറത്തിറങ്ങും. നാമനിര്ദ്ദേശ പത്രിക സമര്പ്പിക്കാനുള്ള അവസാന തീയതി മാര്ച്ച് 21 ആണ്. 22-ന് സൂക്ഷ്മ പരിശോധന നടക്കും.
വോട്ടെടുപ്പ് മാര്ച്ച് 31-ന് നടക്കും. രാവിലെ 9 മണി മുതല് നാല് മണി വരെയാണ് വോട്ടെടുപ്പ് നടക്കുക. വൈകുന്നേരം 5 മണിക്ക് വോട്ടെണ്ണല് നടക്കും.
