കൊച്ചി നമ്പര് 18 പോക്സോ കേസിലെ രണ്ടാംപ്രതിസൈജു തങ്കച്ചൻ പോലീസിന് മുന്നില് കീഴടങ്ങി.ഇന്ന് രാവിലെ കൊച്ചി മെട്രോ പോലീസ് സ്റ്റേഷനില് എത്തിയാണ് സൈജു കീഴടങ്ങിയത്. ഉടന്തന്നെ പ്രതിയുടെ അറസ്റ്റ് രേഖപ്പെടുത്തി തുടര്നടപടികളിലേക്ക് കടക്കും.പോക്സോ കേസിലെ മുഖ്യപ്രതിയും ഹോട്ടലുടമയുമായി റോയി വയലാട്ട് ഇന്നലെ പൊലീസില് കീഴടങ്ങിയിരുന്നു
മട്ടാഞ്ചേരി പോലീസ് സ്റ്റേഷനിലെത്തിയാണ് റോയി വയലാട്ട് കീഴടങ്ങിയത്. തുടര്ന്ന് പ്രതിയുടെ അറസ്റ്റ് രേഖപ്പെടുത്തി, ഫോര്ട്ട് കൊച്ചിയിലെ ഹോട്ടലില് എത്തിച്ച് തെളിവെടുപ്പ് നടത്തുകയും ചെയ്തു.
റോയിയും സൈജുവും നല്കിയ മുന്കൂര് ജാമ്യാപേക്ഷ ഹൈക്കോടതിയും സുപ്രീംകോടതിയും തള്ളിയിരുന്നു. ഒളിവില് കഴിയുന്ന സൈജു തങ്കച്ചനായി ഇന്നലെയും പൊലീസ് തെരച്ചില് നടത്തിയെങ്കിലും കണ്ടെത്താനായിരുന്നില്ല. അതിനിടെ, സൈജു ഇന്ന് കീഴടങ്ങിയേക്കുമെന്ന് റിപ്പോര്ട്ടുകളുമുണ്ടായിരുന്നു.
