പൊതുപണിമുടക്കിന്റെ ആദ്യ ദിനത്തില് സെക്രട്ടേറിയറ്റില് ഹാജര് നിലയില് വന് കുറവ്.ജീവനക്കാരിൽ 32 പേർ മാത്രമാണ് ഇന്ന് സെക്രട്ടേറിയറ്റില് ഹാജരായത്.ആകെ 4828പേരാണ് സെക്രട്ടറിയേറ്റില് ജോലി ചെയ്യുന്നത്. ഭരണ, പ്രതിപക്ഷ അനുകൂല ട്രേഡ് യൂണിയനുകള് സമരത്തില് പങ്കെടുക്കുന്നതിനാലാണ് ഹാജര് നില ഇത്രയും താഴേക്ക് പോയത്.അതേ സമയം സര്ക്കാര് ഉദ്യോഗസ്ഥര് പണിമുടക്കില് പങ്കെടുക്കുന്നത് നിയമവിരുദ്ധമെന്ന് കേരള ഹൈക്കോടതി പറഞ്ഞു. സര്ക്കാര് ജീവനക്കാര് പണിമുടക്കുന്നത് വിലക്കി സര്ക്കാര് ഇന്നുതന്നെ ഉത്തരവ് ഇറക്കണമെന്നും കോടതി ആവശ്യപ്പെട്ടു. പണിമുടക്കുന്ന സര്ക്കാര് ജീവനക്കാര്ക്കെതിരെ നടപടിയെടുക്കാത്തതില് കോടതി അതൃപ്തി രേഖപ്പെടുത്തി.,അതേസമയം സര്ക്കാര് ഉദ്യോഗസ്ഥരുടെ പണിമുടക്ക് നിരോധന ഉത്തരവില് നിയമോപദേശം തേടി സംസ്ഥാന സര്ക്കാര്. അഡ്വക്കേറ്റ് ജനറലിന്റെ നിയമോപദേശം ലഭിച്ചതിന് ശേഷം തുടര്നടപടികളിലേക്ക് കടക്കാനാണ് തീരുമാനം
