കെ.റെയില് പോലുള്ള പദ്ധതികള് കേരളത്തിന് അത്യാവശ്യമാണെന്ന് സി.പി.എം ജനറല് സെക്രട്ടറി സീതാറാം യെച്ചൂരി. ഇടത് സർക്കാരിന് താൽപ്പര്യമുള്ള പദ്ധതി മാത്രമല്ല സിൽവർ ലൈൻ. കേരളത്തിന്റെ വികസനങ്ങൾക്ക് ആവശ്യമായ പദ്ധതി കൂടിയാണ്. കേരളാ വികസനമാണ് സംസ്ഥാന സർക്കാരിന്റെ ലക്ഷ്യം. സിൽവർലൈൻ അതിനാവശ്യമായ പദ്ധതിയാണ് ,ബുള്ളറ്റ് ട്രെയിനിനെതിരേയുള്ള സി.പി.എം സമരം മതിയായ നഷ്പരിഹാരം നല്കാതെ ഭൂമി ഏറ്റെടുക്കുന്നത് കൊണ്ടാണ്. എന്നാല് കേരളത്തില് അങ്ങനെയല്ലെന്നും യെച്ചൂരി ചൂണ്ടിക്കാട്ടി. കണ്ണൂരില് നടത്തിയ വാര്ത്താ സമ്മേളനത്തില് 23-ാം പാര്ട്ടി കോണ്ഗ്രസിന്റെ തീരുമാനങ്ങള് വിശദീകരിക്കുകയായിരുന്നു യെച്ചൂരി.ഉത്തരേന്ത്യന് സംസ്ഥാനങ്ങളില് പാര്ട്ടിയുടെ ശക്തി വര്ദ്ധിപ്പിക്കാന് എന്താണ് ചെയ്യാന് സാധിക്കുകയെന്ന് പരിശോധിക്കും. മാംസം കഴിക്കുന്നതും ഹിജാബ് ധിരിക്കുന്നതുമാണ് ബിജെപിയ്ക്ക് പ്രശ്നമെന്നും തൊഴിലില്ലായ്മയും ദാരിദ്ര്യവുമൊന്നും അവര്ക്ക് വിഷയമേ അല്ലെന്നും അദ്ദേഹം പറഞ്ഞു. ഇത്തരം പ്രാദേശിക പ്രശ്നങ്ങളില് പിരഹാരം ഉണ്ടാക്കാന് പാര്ട്ടി ശ്രമിക്കുമെന്നും അദ്ദേഹം കൂട്ടിച്ചേര്ത്തു.
