ഇടുക്കി നെടുങ്കണ്ടത്തിൽ മീന് കറി കഴിച്ചവര്ക്ക് വയറുവേദനയും പച്ചമീന് കഴിച്ച് പൂച്ചകള് ചത്തെന്നുമുള്ള പരാതിയില് അന്വേഷിച്ച് കര്ശന നടപടിയെടുക്കാന് ആരോഗ്യ വകുപ്പ് മന്ത്രി വീണാ ജോര്ജ് ഭക്ഷ്യ സുരക്ഷാ കമ്മീഷണര്ക്ക് നിര്ദേശം നല്കി.സംഭവത്തില് അന്വേഷണം നടത്തി കര്ശന നടപടി സ്വീകരിക്കണമെന്നാണ് മന്ത്രി വീണാ ജോര്ജ് ഭക്ഷ്യസുരക്ഷാ കമ്മീഷണര്ക്ക് നിര്ദേശം നല്കിയത്. മീന് കേടാകാതിരിക്കാന് എന്തെങ്കിലും മായം ചേര്ത്തിട്ടുണ്ടെങ്കില് കര്ശന നടപടി സ്വീകരിക്കുന്നതാണെന്ന് മന്ത്രി വാര്ത്താകുറിപ്പില് വ്യക്തമാക്കി.മന്ത്രിയുടെ നിര്ദേശത്തെ തുടര്ന്ന് ഭക്ഷ്യസുരക്ഷാ വകുപ്പ് ശനിയാഴ്ച തന്നെ പ്രദേശത്ത് പരിശോധന നടത്തി സാമ്പിള് ശേഖരിക്കും.
