മുഖ്യമന്ത്രിക്കെതിരെ വിവാദ പരാമര്ശം നടത്തിയ കെ പി സി സി അധ്യക്ഷന് കെ സുധാകരനെതിരെ കേസ്. ഡിവൈഎഫ്ഐ പ്രാദേശിക നേതാവ് നല്കിയ പരാതിയില് പാലാരിവട്ടം പൊലീസാണ് കേസ് റജിസ്റ്റര് ചെയ്തത്. ഐപിസി 153 വകുപ്പ് പ്രകാരം വിദ്വേഷ പ്രസംഗം നടത്തിയെന്നാണ് കേസ്. ബുധനാഴ്ച വൈകിട്ടു നല്കിയ പരാതിയില് പരാതിക്കാരന്റെ മൊഴി രേഖപ്പെടുത്തിയശേഷം പൊലീസ് കേസ് റജിസ്റ്റര് ചെയ്യുകയായിരുന്നു.
പിണറായി വിജയന് ‘ചങ്ങല പൊട്ടിയ നായയെപ്പോലെയാണ് തൃക്കാക്കരയില് ഓടിനടക്കുന്നത്’ എന്നായിരുന്നു സുധാകരന്റെ പരാമര്ശം. ഇതിനെതിരെ സിപിഎം കടുത്ത പ്രതിഷേധം ഉയര്ത്തിയിരുന്നു. മലബാറിലെ ഒരു നാട്ടുശൈലിയാണ് താന് പറഞ്ഞതെന്നും പരാമര്ശത്തില് മുഖ്യമന്ത്രിക്കു ബുദ്ധിമുട്ട് തോന്നിയെങ്കില് പിന്വലിക്കുന്നുവെന്നും സുധാകരന് ഇന്നലെ അറിയിച്ചിരുന്നു.
