കേരളത്തില് രണ്ടാഴ്ച ലോക്ക്ഡൗണ് പ്രഖ്യാപിക്കണമെന്ന് കെ.ജി.എം.ഒ.എ. സംസ്ഥാനത്ത് അതീവ ഗുരുതരമായ സാഹചര്യമാണ് നിലനില്ക്കുന്നതെന്നും കെ.ജി.എം.ഒ.എ അറിയിച്ചു.കൂടുതല് ആരോഗ്യപ്രവര്ത്തകരെ നിയമിക്കണമെന്നും കെ.ജി.എം.ഒ.എ ആവശ്യപ്പെട്ടു. രോഗികളുടെ എണ്ണം കൂടുന്നത് അപായസൂചനയായി കാണണമെന്നും കെ.ജി.എം.ഒ.എ പറഞ്ഞു.വായുവിലൂടെ തന്നെ വൈറസ് വ്യാപിക്കുമെന്ന് പഠനങ്ങള് കാണിക്കുന്നു. അതിനാല് ആളുകള് പുറത്തിറങ്ങുന്നത് വ്യാപനത്തോത് വര്ധിപ്പിക്കും. മാത്രവുമല്ല ടെസ്റ്റ് പോസിറ്റിവിറ്റി നിരക്ക് 25 ശതമാനമാണ് നിലവില് സംസ്ഥാനത്ത്. ഇത് അപായ സൂചനയാണ് .ഇത് രോഗികളുടെ വര്ധന ഇനിയും കൂടുമെന്ന സൂചനയാണ് നല്കുന്നത്.അതേസമയം സംസ്ഥാനത്ത് നിലവില് ലോക്ക്ഡൗണ് വേണ്ടെന്നാണ് മന്ത്രിസഭാ യോഗം തീരുമാനിച്ചത്. ലോക്ക്ഡൗണ് വേണ്ടെന്നാണ് സര്വ്വകക്ഷിയോഗത്തിലും അഭിപ്രായമുയര്ന്നത്.അനിവാര്യമായ ഘട്ടത്തിൽ അവസാനത്തെ ആയുധമായിട്ടായിരിക്കും ലോക്കഡൗണ് പ്രഖ്യാപിക്കുക എന്നതാണ് സര്ക്കാരിന്റെ നിലപാടെന്ന് മുഖ്യമന്ത്രി ഇന്നലെ പറഞ്ഞിരുന്നു
