മോൻസൻ മാവുങ്കൽ മുഖ്യ സൂത്രധാരനായ പുരാവസ്തു തട്ടിപ്പ് കേസിലെ പ്രതി അനിത പുല്ലയിലിനെ ക്രൈംബ്രാഞ്ച് ചോദ്യം ചെയ്തു.മോന്സന് പ്രതിയായ പോക്സോ കേസിലെ ഇരയുടെ പേര് അനിത വെളിപ്പെടുത്തിയിരുന്നു. എറണാകുളം ജില്ലാ ക്രൈം ബ്രാഞ്ചും സംസ്ഥാന യൂണിറ്റുമാണ് മോന്സനുമായി ബന്ധപ്പെട്ട കേസുകള് അന്വേഷിക്കുന്നത്.ഇരയാണെന്നു അറിഞ്ഞില്ലെന്നാണ് അനിതയുടെ മൊഴി. അനിതയുടെ മൊഴി പരിശോധിച്ച ശേഷം അറസ്റ്റ് രേഖപ്പെടുത്തുമെന്ന് ക്രൈം ബ്രാഞ്ച് വ്യക്തമാക്കി.പോക്സോ കേസിലെ ഇരയുടെ പേര് ചാനല് ചര്ച്ചയില് വെളിപ്പെടുത്തിയതിന് അനിതയ്ക്ക് നേരെ കേസെടുത്തിരുന്നു. ഇറ്റലിയില് സ്ഥിരതാമസമാക്കിയ അനിതയെ മുന്പ് വീഡിയോ കോണ്ഫറന്സ് വഴി ചോദ്യം ചെയ്തിരുന്നു. ലോക കേരള സഭ നടക്കുന്ന നിയമസഭാ സമുച്ചയത്തില് എത്തിയ അനിതയെ കഴിഞ്ഞ ദിവസം വാച്ച് ആന്ഡ് വാര്ഡ് പുറത്താക്കിയിരുന്നു. കേരളത്തിലെത്തിയ വിവരം ലഭിച്ചതിന് പിന്നാലെയായിരുന്നു ചോദ്യം ചെയ്യല്.
