മുഖ്യമന്ത്രിക്കായി ലക്ഷങ്ങള് മുടക്കി ആഡംബര കാര് വാങ്ങാനുള്ള സര്ക്കാര് തീരുമാനത്തെ പരിഹസിച്ച് കോണ്ഗ്രസ് നേതാവ് കെ സ് ശബരീനാഥന്. മുഖ്യമന്ത്രി പിണറായി വിജയന് 88 ലക്ഷത്തിന്റെ പുതിയ കിയ കാര്ണിവല് വാങ്ങാന് ആഭ്യന്തരവകുപ്പിന്റെ ഉത്തരവ് ഇറങ്ങിയതിന് പിന്നാലെ വിമര്ശനവുമായി ശബരീനാഥന് രംഗത്തെത്തിയത്. ഇടയ്ക്കിടെ വാഹനം മാറ്റുന്ന നമ്മുടെ മലയാളം സൂപ്പര് താരങ്ങള് സിഎമ്മിന്റെ മുന്നില് തോറ്റു പോകുമല്ലോ എന്നാണ് ശബരിയുടെ പരിഹാസം. കെ.എസ്.ആര്.ടി.സിക്ക് ശമ്പളം കൊടുത്തില്ലെങ്കില് എന്താ? പഞ്ചായത്തുകള്ക്കുള്ള സര്ക്കാര് വിഹിതം കുറഞ്ഞാല് എന്താ? വികസന പ്രവര്ത്തനങ്ങള്ക്ക് ഫണ്ട് ഇല്ലെങ്കില് എന്താ, പിന്നീട് എപ്പോഴെങ്കിലും പണം കൊടുത്താല് മതിയല്ലോ എന്നും കെ സ് ശബരീനാഥന് തന്റെ ഫേസ്ബുക്ക് കുറിപ്പിലൂടെ പറയുന്നു.
ഫേസ്ബുക്ക് പോസ്റ്റിന്റെ പൂര്ണ രൂപം
മുഖ്യമന്ത്രി ലേറ്റസ്റ്റ് മോഡല് ഇന്നോവ ക്രിസ്റ്റ വാങ്ങിയത് ജനുവരി 2022ല്.എന്തായാലും മാസം ആറ് കഴിഞ്ഞില്ലേ, ഇനി ഒരു പുതിയ കിയ കാര്ണിവള് ആകാം, അതാണ് അതിന്റെ ഒരു മിഴിവ്! ഇതെല്ലാം അടങ്ങുന്ന വാഹനവ്യൂഹത്തിന്റെ ചിലവ് വെറും Rs 88,69,841 മാത്രം..
KSRTC ശമ്പളം കൊടുത്തില്ലെങ്കില് എന്താ?പഞ്ചായത്തുകള്ക്കുള്ള സര്ക്കാര് വിഹിതം കുറഞ്ഞാല് എന്താ?വികസന പ്രവര്ത്തനങ്ങള്ക്ക് ഫണ്ട് ഇല്ലെങ്കില് എന്താ,പിന്നീട് എപ്പോഴെങ്കിലും പണം കൊടുത്താല് മതിയല്ലോ!
എന്തായാലും ഇടയ്ക്കിടെ വാഹനം മാറ്റുന്ന നമ്മുടെ മലയാളം സൂപ്പര് താരങ്ങള് CMന്റെ മുന്നില് തോറ്റു പോകുമല്ലോ, അതു മതി.
മുഖ്യമന്ത്രിക്കായി 33.31 ലക്ഷം രൂപ വിലയുള്ള കിയാ കാര്ണിവല് കാര് വാങ്ങാന് ആഭ്യന്തര വകുപ്പ് ഉത്തരവിറക്കിയിട്ടുണ്ട്. ബുള്ളറ്റ് പ്രൂഫ് അടക്കം കൂടുതല് സുരക്ഷാ സംവിധാനങ്ങളുള്ള കാറാണിത്. നേരത്തേ വാങ്ങാനുദ്ദേശിച്ച ടാറ്റാ ഹാരിയറിന് പകരമായാണ് കിയാ കാര്ണിവല് വാങ്ങുന്നത്. നിലവില് മുഖ്യമന്ത്രിയുടെ സുരക്ഷയ്ക്ക് ഉപയോഗിക്കുന്ന രണ്ട് ഇന്നോവ ക്രിസ്റ്റ കാറുകള് കണ്ണൂര്, കോഴിക്കോട് ഉള്പ്പെടെ വടക്കന് ജില്ലകളില് എസ്കോര്ട്ട് ഡ്യൂട്ടിക്കായി ഉയോഗിക്കും. ഇവ സ്റ്റേറ്റ് സ്പെഷ്യല് ബ്രാഞ്ചിന്റെ ചുമതലയില് നിലനിറുത്തും. ഡി.ജി.പി അനില്കാന്തിന്റെ ശുപാര്ശ പ്രകാരമാണ് നടപടി.
