മണ്ണാര്ക്കാട് കാരാകുറിശ്ശിയില് ഭാര്യയെ ഭര്ത്താവ് വെട്ടിക്കൊലപ്പെടുത്തിയ കേസിൽ കൂടുതൽ വിവരങ്ങൾ പുറത്ത്.രാവിലെ ഏഴുന്നേറ്റ അവിനാശ് പല്ലു തേയ്ക്കാതെ മകനെ ഉമ്മ വയ്ക്കാൻ തുനിഞ്ഞു. ഭാര്യ ദീപിക ഇത് ചോദ്യംചെയ്തതോടെയാണ് പ്രശ്നങ്ങളുടെ തുടക്കം, ഇതിൽ പ്രകോപിതനായി കൊടുവാൾ കൊണ്ട് വെട്ടുകയായിരുന്നു.കണ്ടുകണ്ടം വീട്ടിക്കാട് വീട്ടില് അവിനാഷ്(30) ആണ് ഭാര്യ ദീപിക(28)യെ കൊടുവാള് ഉപയോഗിച്ച് വെട്ടിക്കൊന്നത്. ഒന്നരവയസ്സുള്ള മകന്റെ കണ്മുന്നില്വെച്ചായിരുന്നു ദാരുണമായ കൊലപാതകം. ചൊവ്വാഴ്ച രാവിലെ 8.45-ഓടെയായിരുന്നു സംഭവം.ദീപികയുടെ കഴുത്തിലും കാലിലും കൈയിലുമാണ് വെട്ടേറ്റത്. ഗുരുതരമായി പരിക്കേറ്റ ദീപികയെ ഉടന്തന്നെ പെരിന്തല്മണ്ണയിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും ചികിത്സയ്ക്കിടെ മരിച്ചു. മൃതദേഹം മണ്ണാര്ക്കാട് താലൂക്ക് ആശുപത്രിയിലേക്ക് മാറ്റി.
കരച്ചില് കേട്ട് അയല്വാസികള് എത്തിയപ്പോള് ദീപിക വെട്ടേറ്റ് വീണു കിടക്കുകയായിരുന്നുന്നര വയസുകാരന് ഐവിന് അമ്മയെ കെട്ടിപ്പിടിച്ച് കരയുകയായിരുന്നു. കൊടുവാളുമായി സമീപത്ത് തന്നെ ഭര്ത്താവ് അവിനാശുമുണ്ടായിരുന്നു. ആളുകള് എത്തിയതോടെ കടന്നുകളയാന് അവിനാശ് നടത്തിയ ശ്രമം നാട്ടുകാര് തടയുകയായിരുന്നുവെന്നും പൊലീസ് പറയുന്നു.
കോയമ്പത്തൂര് സ്വദേശിയാണ് ദീപിക. വര്ഷങ്ങളായി ബെംഗളൂരുവില് താമസിച്ചിരുന്ന ദമ്പതിമാര് രണ്ടുമാസം മുമ്പാണ് നാട്ടില് താമസം തുടങ്ങിയത്. അഗ്നിരക്ഷാസേനയുടെ കരാര് ജോലികള് ഏറ്റെടുത്ത് നടത്തിയിരുന്നയാളാണ് അവിനാഷ്
Previous Post
അറിയിപ്പുകള്
