വിദേശകാര്യ മന്ത്രി എസ്. ജയ്ശങ്കറിന്റെ തിരുവനന്തപുരം പര്യടനത്തെ വിമര്ശിച്ച് മുഖ്യമന്ത്രി പിണറായി വിജയന്. കേരളാ സന്ദര്ശനത്തിന് എത്തിയ വിദേശകാര്യ മന്ത്രി കഴക്കൂട്ടം ബൈപ്പാസ് നിര്മാണം വിലയിരുത്താന് എത്തിയതിനാണ് മുഖ്യമന്ത്രിയുടെ ഈ വിമര്ശനം. ലോകത്ത് പല കാര്യങ്ങളും നടക്കുമ്പോള് ഫ്ളൈ ഓവര് നോക്കാന് വരുന്നതിന്റെ ചേതോവികാരം എല്ലാവര്ക്കും മനസിലാവും. എല്ലാം ലോക്സഭാ തെരഞ്ഞെടുപ്പ് മുന്നില് കണ്ടാണെന്ന് മുഖ്യമന്ത്രി വിമര്ശിച്ചു. കഴക്കൂട്ടം മണ്ഡലം ജയിപ്പിച്ചുകൊടുക്കാനുള്ള ഉത്തരവാദിത്തം ജയശങ്കറിനെ ഏല്പ്പിച്ചുവെന്നാണ് കേള്ക്കുന്നതെന്നും മുഖ്യമന്ത്രി പറഞ്ഞു.
സംസ്ഥാന പെന്ഷനേഴ്സ് യൂണിയന് രജത ജൂബിലി സമ്മേളന ഉദ്ഘാടന വേദിയിലാണ് മുഖ്യമന്ത്രി കേന്ദ്ര വിദേശകാര്യമന്ത്രി എസ്. ജയശങ്കറെ വിമര്ശിച്ചത്. കേന്ദ്ര വിദേശകാര്യമന്ത്രി എസ്.ജയശങ്കറിന്റെ സന്ദര്ശനം ലോക്സഭാ തെരഞ്ഞെടുപ്പ് മുന്നില് കണ്ടെന്ന പരോക്ഷ വിമര്ശനവും മുഖ്യമന്ത്രി നടത്തി. കഴക്കൂട്ടം മണ്ഡലം ജയിപ്പിച്ചുകൊടുക്കാനുള്ള ഉത്തരവാദിത്തം ജയശങ്കറിനെ ഏല്പ്പിച്ചുവെന്നാണ് കേള്ക്കുന്നതെന്നും മുഖ്യമന്ത്രി പറഞ്ഞു.
