പൊലീസുകാരനെ വീട്ടില് മരിച്ച നിലയില് കണ്ടെത്തി. കോഴിക്കോട് എലത്തൂര് സ്റ്റേഷനിലെ സിവില് പൊലീസ് ഉദ്യോഗസ്ഥന് ബാജുവിനെയാണ് മരിച്ച നിലയില് കണ്ടെത്തിയത്. 47 വയസായിരുന്നു. ഉള്ളിയേരിയിലെ വീട്ടില് മരിച്ചനിലയില് കണ്ടെത്തുകയായിരുന്നു. ആത്മഹത്യയെന്നാണ് പ്രാഥമിക നിഗമനം. കിടപ്പുമുറിയ്ക്കുള്ളിലെ ഫാനില് തൂങ്ങിമരിച്ച നിലയിലാണ് മൃതദേഹം കണ്ടെത്തിയത്.
പുലര്ച്ചെ ഒരു മണിയോടെയായിരുന്നു സംഭവം. ബാജുവിനെ ബന്ധുക്കള് ചേര്ന്ന് ഉടന് ആശുപത്രിയില് എത്തിച്ചെങ്കിലും മരിക്കുകയായിരുന്നു. ഇന്ക്വസ്റ്റ് നടപടികള്ക്ക് ശേഷം ബാജുവിന്റെ മൃതദേഹം കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റും. സംഭവത്തില് പോലീസ് അന്വേഷണം ആരംഭിച്ചു.
വ്യക്തിപരമായ കാരണങ്ങളാണ് ആത്മഹത്യയിലേക്ക് നയിച്ചത് എന്നാണ് പോലീസ് പറയുന്നത്. തൊഴില്പരമായ സമ്മര്ദ്ദങ്ങള് ഉണ്ടായിരുന്നില്ലെന്നും പോലീസ് വ്യക്തമാക്കി.
