കരിപ്പൂർ വിമാനത്താവളം വഴി കടത്തിയ 837 ഗ്രാം സ്വർണം പോലീസ് പിടികൂടി
മലപ്പുറം: കരിപ്പൂർ വിമാനത്താവളം വഴി 837 ഗ്രാം കടത്തിയ സ്വർണ്ണം പോലീസ് പിടിച്ചെടുത്തു.. യാത്രക്കാരനെ പോലീസ് അറസ്റ്റ് ചെയ്തു.
ദുബായിൽ നിന്ന് കരിപ്പൂർ വിമാനത്താവളത്തിലെത്തിയ കോഴിക്കോ
ട് തൊട്ടില്പാലം സ്വദേശി മുഹമ്മദ് സാബിര് (21) ആണ് സ്വര്ണ്ണകടത്തി പിടിയിലായത്. ശരീരത്തിനകത്ത് കാപ്സ്യൂള് രൂപത്തില് 837 ഗ്രാം സ്വര്ണ്ണം മിശ്രിതരൂപത്തില് ഒളിപ്പിച്ച് വെച്ചതായിരുന്നു. സ്കാനിംഗിൽ കണ്ടെത്തുകയായിരുന്നു.. അഭ്യന്തര വിപണിയില് 43 ലക്ഷം രൂപ വില വരും പിടിച്ചെടുത്ത സ്വര്ണ്ണത്തിന്. ദുബായില് നിന്നെത്തിയ ഇന്ഡിഗോ വിമാനത്തിലാണ് (6E 89G ) മുഹമ്മദ് സാബിര് കാലികറ്റ് എയര്പോര്ട്ടിലിറങ്ങിയത്.കസ്റ്റംസ് പരിശോധനയ്ക്ക് ശേഷം വിമാനത്താവളത്തിന് പുറത്തിറങ്ങിയ സാബിര് തന്നെ കൂട്ടാനെത്തിയ ബന്ധുക്കളോടൊപ്പം കാറില് കയറി പുറത്തേക്ക് പോകും വഴി ഗേറ്റിനടുത്ത് വെച്ചാണ് സാബിറിനെ പോലീസ് കസ്റ്റഡിയിലെടുത്തത്.
മലപ്പുറം ജില്ലാ പോലീസ് മേധാവി എസ്.സുജിത് ദാസ് ഐപി എസ് ന് ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന.
ആദ്യഘട്ട ചോദ്യം ചെയ്യലിൽ കുറ്റം സമ്മതിക്കാൻ സാബിര് വിസമ്മതിച്ചിരുന്നു. തുടർന്ന് ഇയാളുടെ ദേഹവും ലഗേജും പോലീസ് വിശദമായി പരിശോധിച്ചു. എന്നാൽ സ്വർണം കണ്ടെടുക്കാന് കഴിയാത്തതിനെതുടർന്ന് സാബിറിനെ കൊണ്ടോട്ടിയിലെ സ്വകാര്യ ആശുപത്രിയിൽ എത്തിച്ച് വിശദമായ വൈദ്യപരിശോധനയ്ക്ക് വിധേയനാക്കി. എക്സ്റേയിൽ ഇയാളുടെ വയററിനുള്ളിൽ സ്വർണം അടങ്ങിയ നാല് കാപ്സ്യൂളുകൾ കണ്ടെത്തുകയായിരുന്നു.സാബിറിനെ വിശദമായി ചോദ്യം ചെയ്ത് വരികയാണ്. സ്വര്ണ്ണകടത്തിന് പിന്നിലുള്ളലരെ കണ്ടെത്താനുള്ള ശ്രമം തുടരുകയാണ്.
പിടിച്ചെടുത്ത സ്വര്ണ്ണം കോടതിയില് സമര്പ്പിക്കും, അതൊടൊപ്പം തുടരന്വേഷണത്തിനായി വിശദമായ റിപ്പോര്ട് കസ്റ്റംസിനും സമര്പ്പിക്കും.
കഴിഞ്ഞ ഏതാനും മാസങ്ങൾക്കിടെ കരിപ്പൂർ വിമാനത്താവളത്തിൽ മലപ്പുറംപോലീസ് മേധാവിയുടെ നിർദ്ദേശത്തെ തുടർന്നു പിടികൂടുന്ന 61-ാമത്തെ സ്വർണക്കടത്ത് കേസാണിത്.
