സിവിക് ചന്ദ്രനെതിരായ ലൈംഗിക പീഡനക്കേസില് കീഴ്ക്കോടതി ഉത്തരവിലെ വിവാദ പരാമര്ശങ്ങള് ഹൈക്കോടതി നീക്കം ചെയ്തു. ഇരയുടെ വസ്ത്രധാരണം പ്രകോപനം ഉണ്ടാക്കുന്നതെന്നായിരുന്നെന്ന കോഴിക്കോട് സെഷൻസ് കോടതി ഉത്തരവിലെ പരാമർശങ്ങളാണ് ഹൈകോടതി നീക്കം ചെയ്തത്.പ്രായം കണക്കിൽ എടുത്ത് മുൻകൂർ സിവിക് ജാമ്യം നൽകിയ ഉത്തരവ് കോടതി ശരിവെച്ചു.സ്ത്രീയുടെ മാന്യതയെ അവഹേളിക്കാനുള്ള കുറ്റത്തില്നിന്ന് പ്രതിയെ മോചിപ്പിക്കാനുള്ള നിയമപരമായ കാരണമായി ഇരയുടെ വസ്ത്രധാരണത്തെ വ്യാഖ്യാനിക്കാനാവില്ലെന്ന് ഹൈക്കോടതി ജഡ്ജി എടപ്പഗത്ത് നിരീക്ഷിച്ചു.പ്രകോപനപരമായ വസ്ത്രം ധരിച്ചുവെന്നത് സ്ത്രീത്വത്തെ അപമാനിക്കാൻ പുരുഷന് ലൈസൻസ് നൽകുന്നില്ല മുന്കൂര് ജാമ്യം അനുവദിച്ചതിനെതിരെ സംസ്ഥാന സര്ക്കാരും പരാതിക്കാരിയും നല്കിയ ഹര്ജികള് തീര്പ്പാക്കിക്കൊണ്ടാണ് ജസ്റ്റിസ് കൗസര് എടപ്പഗത്തിന്റെ ഉത്തരവ്. മുന്കൂര് ജാമ്യം അനുവദിക്കാന് കീഴ്ക്കോടതി വ്യക്തമാക്കിയ കാരണം ന്യായീകരിക്കാനാവില്ല. അതേസമയം, മുന്കൂര് ജാമ്യം റദ്ദാക്കാനാകില്ലെന്നും ഹൈക്കോടതി വ്യക്തമാക്കി.യുവതിയുടെ ഭരണഘടനാ സ്വാതന്ത്ര്യത്തെ ചോദ്യം ചെയ്യുന്നതും യുക്തിക്ക് നിരക്കാത്തതുമാണ് കീഴ്ക്കോടതിയുടെ നിരീക്ഷണമെന്ന് ഹരജിയില് ചൂണ്ടിക്കാണിച്ചിരുന്നു.
ഓഗസ്റ്റ് 12-ന് സിവിക് ചന്ദ്രന് മുന്കൂര് ജാമ്യം നല്കിക്കൊണ്ട് കോഴിക്കോട് സെഷന്സ് കോടതി ജഡ്ജി എസ്.കൃഷ്ണകുമാര് പുറപ്പെടുവിച്ച ഉത്തരവിലെ പരാമര്ശങ്ങള് വലിയ വിവാദങ്ങള്ക്കും പ്രതിഷേധങ്ങള്ക്കുമിടയാക്കിയിരുന്നു.സിവിക് ചന്ദ്രനെതിരെ ലൈംഗിക പീഡന പരാതി നല്കിയ യുവതിയുടേത് പ്രകോപനമുണ്ടാക്കുന്ന വസ്ത്രധാരണമെന്നായിരുന്നു കോടതിയുടെ പരാര്മര്ശം. കൊയിലാണ്ടി പൊലീസ് രജിസ്റ്റര് ചെയ്ത രണ്ടാമത്തെ ലൈംഗിക പീഡന കേസില് സിവിക് ചന്ദ്രന് മുന്കൂര് ജാമ്യം അനുവദിച്ചു കൊണ്ട് പുറപ്പെടുവിച്ച ഉത്തരവിലാണ് ഈ പരാമര്ശമുള്ളത്.
