ഗുജറാത്തിലും ലുലു മാളുമായി ലുലു ഗ്രൂപ്പ്.അഹമ്മദാബാദിലാണ് 3,000 കോടി രൂപ നിക്ഷേപത്തിൽ ലുലു മാൾ ഉയരുന്നത്. നിർമാണ പ്രവർത്തനങ്ങൾ അടുത്ത ജനുവരിയിൽ ആരംഭിക്കുമെന്ന് ലുലു ഗ്രൂപ്പ് ചെയർമാൻ എം.എ.യൂസഫലി പറഞ്ഞു.30 മാസത്തിനുള്ളില് പണി പൂര്ത്തിയാക്കാനാണ് ലുലു ഉദ്ദേശിക്കുന്നത്. മാള് പ്രവര്ത്തിക്കുന്നതോടെ 6,000 ആളുകള്ക്ക് നേരിട്ടും 15,000 അധികം ആളുകള്ക്ക് പരോക്ഷമായും തൊഴില് ലഭിക്കുമെന്നും ലുലു ഗ്രൂപ്പ് ഇന്ത്യ ഡയറക്ടര് എ.വി. ആനന്ദ് റാം പറഞ്ഞു.എഴുപതുകളുടെ തുടക്കത്തില് തന്റെ കച്ചവട ജീവിതം ആരംഭിച്ച ഗുജറാത്തിനോട് എന്നും ഒരു വൈകാരിക ബന്ധമാണ് തനിക്കുള്ളതെന്ന് യൂസഫലി പറഞ്ഞു. തന്റെ പിതാവും മറ്റ് കുടുംബാംഗങ്ങളും വര്ഷങ്ങളായി അവിടെയായിരുന്നു കച്ചവടം നടത്തിയതെന്നും യൂസഫലി പറഞ്ഞു.ഗുജറാത്ത് മുഖ്യമന്ത്രി ഭൂപേന്ദ്ര പട്ടേല് കഴിഞ്ഞ വര്ഷം യു.എ.ഇ. സന്ദര്ശിച്ചപ്പോള് ഇത് സംബന്ധിച്ച ചര്ച്ചകളും മറ്റും നടന്നിരുന്നു. ഗുജറാത്തില് മുതല്മുടക്കുന്നതുമായി ബന്ധപ്പെട്ട ധാരണാപത്രത്തിലും സംസ്ഥാന സര്ക്കാരും ലുലു ഗ്രൂപ്പ് ഒപ്പ് വെച്ചിരുന്നു.
