തിരുവനന്തപുരം എസ്പി ഫോര്ട്ട് ആശുപത്രി കാന്റീനില് തിപിടിത്തം. കാന്റീനില് നിന്നാണ് തീപടര്ന്നത്. ഉടന് തന്നെ തീ അണയ്ക്കാന് സാധിച്ചതിനാല് വലിയ അപകടം ഒഴിവായി. രാവിലെ ഒമ്പതരയോടെയാണ് സംഭവം.
തി പടര്ന്നില്ലെങ്കിലും പുക ആശുപത്രിയുടെ രണ്ടും മൂന്നും നിലകളിലേക്ക് പടരുകയായിരുന്നു. ഐ.സി.യുവിഭാഗത്തില് 22 രോഗികളാണ് ഉണ്ടായിരുന്നത്. പുക ഉയര്ന്നതോടെ ഇവരില് 11 രോഗികളെ എസ്.പി. വെസ്റ്റ്ഫോര്ട്ട് ആശുപത്രിയിലേക്ക് മാറ്റി.
കാന്റീന് പൂര്ണമായും കത്തിനശിച്ചിട്ടുണ്ട്. കാന്റീനിലെ ഗ്യാസ് സിലിണ്ടറുകളില് തീപടരാനുളള സാധ്യത മുന്നില് കണ്ട് ഫയര്ഫോഴ്സ് സിലിണ്ടറുകള് വേഗം തന്നെ മാറ്റിയിരുന്നു.
നിയുക്തമന്ത്രി ആന്റണി രാജു ആശുപത്രിയില് സന്ദര്ശനം നടത്തി. ആശങ്കപ്പെടേണ്ട സാഹചര്യമില്ലെന്നും ആളപായമില്ലെന്നും ആര്ക്കും പരിക്കേറ്റിട്ടില്ലെന്നും അദ്ദേഹം വ്യക്തമാക്കി. സുരക്ഷയെ കരുതി രോഗികളെ മറ്റൊരു ആശുപത്രിയിലേക്ക് മാറ്റിയിരിക്കുകയാണെന്നും അദ്ദേഹം അറിയിച്ചു.
