സംസ്ഥാനത്തെ ആഭ്യന്തര വകുപ്പിനെതിരെ രൂക്ഷവിമർശനം ഉയരുന്നതിനിടെ പൊലീസിനെതിരെ രംഗത്തെത്തി സിപിഎം കേന്ദ്രകമ്മിറ്റി അംഗം പി.കെ.ശ്രീമതി.വേലിതന്നെ വിളവു തിന്നുന്നോ എന്ന് ചോദിച്ചായിരുന്നു ഫെയ്സ്ബുക് പോസ്റ്റ്. പീഡനക്കേസിൽ അറസ്റ്റിലായ കോഴിക്കോട് കോസ്റ്റൽ സിഐ പി.ആർ.സുനു സ്ഥിരം കുറ്റവാളിയെന്നും ശ്രീമതിയുടെ കുറിപ്പിലുണ്ട്.കൂട്ടബലാത്സംഗക്കേസില് കോഴിക്കോട് കോസ്റ്റല് പൊലീസ് സര്ക്കിള് ഇന്സ്പെക്ടര് പി ആര് സുനുവിനെയാണ് തൃക്കാക്കര പൊലീസ് അറസ്റ്റ് ചെയ്തത്. തൃക്കാക്കര സ്വദേശിയായ യുവതിയുടെ പരാതിയിലാണ് നടപടി. അറസ്റ്റിലായ സുനു മുമ്പും പീഡനക്കേസില് അറസ്റ്റിലായി റിമാന്ഡില് കഴിഞ്ഞിട്ടുള്ളയാളാണ്. സിപിഎം കേന്ദ്രക്കമ്മിറ്റി അംഗം പൊലീസിനെതിരെ വിമര്ശിച്ചതില് നിരവധി പ്രതികരണങ്ങളും കുറിപ്പിന് താഴെ എത്തിയിട്ടുണ്ട്.
