കോഴിക്കോട് : കേരള ശാസ്ത്ര സാങ്കേതിക പരിസ്ഥിതി കൗൺസിലെയും വിവിധ ഗവേഷണ സ്ഥാപനങ്ങളിലെയും ജൂനിയർ സയന്റിസ്റ്റുകൾക്ക് നടത്തിയ ഓറിയന്റേഷൻ പരിപാടി ജലവിഭവ വികസന വിനിയോഗ കേന്ദ്രത്തിൽ സമാപിച്ചു. സമാപന ചടങ്ങിൽ പ്രൊഫ. സാബു തോമസ് (വൈസ് ചാൻസലർ എം.ജി യൂണിവേഴ്സിറ്റി) മുഖ്യാതിഥിയായി പങ്കെടുത്തു പ്രൊഫ.കെ.പി സുധീർ (എക്സിക്യൂട്ടിവ് വൈസ് പ്രസിഡന്റ്, കെ.എസ് സി.എസ്.ടി.ഇ) അധ്യക്ഷത വഹിച്ചു. മെമ്പർ സിക്രട്ടറി ഡോ.എസ് പ്രദീപ് കുമാർ , ഡോ മനോജ് പി. സാമുവൽ (എക്സിക്യുട്ടിവ് ഡയറക്ടർ , സി.ഡബ്യു.ആർ.ഡി.എം)എന്നിവർ പ്രസംഗിച്ചു. വിവിധ ഗവേഷണ സ്ഥാപനങ്ങളിൽ നിന്നായി മുപ്പതോളം യുവ ശാസ്ത്രജ്ഞർ പരിപാടിയിൽ പങ്കെടുത്തു.
