രാഹുൽ ഗാന്ധി നയിക്കുന്ന ഭാരത് ജോഡോ യാത്രയ്ക്കിടെ തിരക്കിൽപ്പെട്ട് എഐസിസി ജനറൽ സെക്രട്ടറി കെ.സി.വേണുഗോപാലിന് പരുക്കേറ്റു.യാത്ര മധ്യപ്രദേശിലെ ഇന്ഡോറിലെത്തിയപ്പോള് അനിയന്ത്രിതമായ ജനത്തിരക്കില്പ്പെട്ട് നിലത്തുവീഴുകയായിരുന്നു. ഞായറാഴ്ച രാവിലെയാണ് സംഭവം.രാഹുൽ ഗാന്ധിയെ കാണാൻ ഇരച്ചുകയറിയ ജനക്കൂട്ടത്തെ നിയന്ത്രിക്കാൻ പൊലീസിനു കഴിയാതിരുന്നതാണ് തിക്കും തിരക്കും ഉണ്ടാകാൻ കാരണം.കാല്മുട്ടിലും കൈയിലും മുറിവുണ്ട്. യാത്ര നിര്ത്തി ക്യാമ്പിലെത്തിയ വേണുഗോപാല് പ്രാഥമിക ശുശ്രൂഷകള്ക്കുശേഷം വീണ്ടും യാത്രയുടെ ഭാഗമായി.സംസ്ഥാനത്തെ യാത്രയിൽ എഐസിസി ജനറൽ സെക്രട്ടറി പ്രിയങ്കാ ഗാന്ധിയും പങ്കുചേർന്നിരുന്നു. യാത്ര വരും ദിവസങ്ങളിൽ രാജസ്ഥാനിൽ പ്രവേശിക്കും
