കാരന്തൂർ മർക്കസ് സ്ഥാപനങ്ങളിലെ ഓർഫനേജ് വിദ്യാർത്ഥികളുടെ ക്യാമ്പസ് ആയ റൈഹാൻ വാലിയുടെ, റൈഹാൻ ലൈഫ്ഫെസ്റ്റിവൽ, ക്യൂഫോറിയ 2023 ജനുവരി 6, 7, 8 തീയതികളിൽ സംഘടിപ്പിക്കുന്നതിന്റെ ഭാഗമായി, വിദ്യാർത്ഥികൾ കുന്ദമംഗലം ടൗൺ ,കോടതി പരിസരം, മുതൽ കാരന്തൂർ മർക്കസ് വരെ റോഡുകൾവൃത്തിയാക്കി. കഴിഞ്ഞദിവസം കോടഞ്ചേരി വൃദ്ധസദനം സന്ദർശിക്കുകയും ആവശ്യമായ സേവനങ്ങൾ ചെയ്തുകൊടുക്കുകയും ചെയ്തിരുന്നു. ഓർഫനേജ് വിദ്യാർത്ഥികളിൽ സാമൂഹ്യബോധം വളർത്തിയെടുക്കുക എന്ന ലക്ഷ്യത്തോടെയാണ് ഇത്തരം പരിപാടികൾ സംഘടിപ്പിക്കുന്നതെന്ന് കോർഡിനേറ്റർ പറഞ്ഞു. വരുംദിവസങ്ങളിൽ കൂടുതൽ സാമൂഹിക പ്രതിബദ്ധതയുള്ള പരിപാടികളുമായി മുന്നോട്ടു പോകുമെന്നും അവർ പറഞ്ഞു.
