ജഡ്ജിമാരുടെ നിയമനത്തിനുള്ള ശിപാര്ശകള് അനിശ്ചിതമായി സര്ക്കാരിന് മുന്നില് കെട്ടിക്കിടക്കുന്നതില് ആശങ്ക പ്രകടിപ്പിച്ച് സുപ്രിം കോടതി, ഹൈക്കോടതി ജഡ്ജിമാരുടെ സ്ഥലമാറ്റം സംബന്ധിച്ച കൊളീജിയം ശുപാര്ശകളില് കേന്ദ്ര സര്ക്കാരിന്റെ തീരുമാനം വൈകുന്നത് ബാഹ്യ ഇടപെടല് ആണെന്ന പ്രതീതി സൃഷ്ടിക്കുന്നുവെന്ന് സുപ്രീംകോടതി നിരീക്ഷിച്ചു.കൊളീജിയം രണ്ടാമതും അയക്കുന്ന ജഡ്ജി നിയമന ശുപാര്ശ കേന്ദ്രം മടക്കുന്നത് ആശങ്ക സൃഷ്ടിക്കുകയാണ്.ജഡ്ജി നിയമനവുമായി ബന്ധപ്പെട്ട് കൊളീജിയം നല്കിയ 22 ശുപാര്ശകള് കേന്ദ്ര നിയമമന്ത്രാലയം നവംബറില് മടക്കിയിരുന്നു. ഇതില് ഒമ്പത് എണ്ണം കൊളീജിയം രണ്ടാമതും നല്കിയ ശുപാര്ശകളാണ്. അവര്ത്തിച്ച് നല്കുന്ന ശുപാര്ശകള് കേന്ദ്രം മടക്കുന്നത് വിഷയമാണെന്ന് ബെഞ്ചിന് നേതൃത്വം നല്കിയ ജസ്റ്റിസ് സഞ്ജയ് കിഷന് കൗള് ചൂണ്ടിക്കാട്ടി. കേന്ദ്രം നല്കിയ പട്ടികയില് ചില പേരുകള് കൊളീജിയം പരിഗണിക്കാത്തവയാണ്. ഈ പേരുകള് കൊളീജിയം പരിഗണിക്കണമെന്ന് നിര്ദേശിച്ചുകൊണ്ടാണ് ശുപാര്ശ മടക്കിയതെന്നും ജസ്റ്റിസ് കൗള് ചൂണ്ടിക്കാട്ടി.
