ഫെബ്രുവരി 14-ന് പശുവിനെ ആലിംഗനം ചെയ്യണം എന്ന വിവാദ ഉത്തരവ് പിന്വലിച്ചു. ഫെബ്രുവരി ആറിന് പുറത്തിറക്കിയ ഉത്തരവാണ് മൃഗ ക്ഷേമ ബോർഡ് ഇന്ന് പിന്വലിച്ചത്.കൗ ഹഗ് ഡേ സര്ക്കുലറിനെതിരെ സമൂഹ മാധ്യമങ്ങളില് വ്യാപകമായി ട്രോളുകള് ഉയര്ന്നിരുന്നു. പിന്നാലെയാണ് വിവാദ സര്ക്കുലര് പിന്വലിച്ചിരിക്കുന്നത്. പശു ഇന്ത്യന് സംസ്കാരത്തിന്റെയും ഗ്രാമീണ സമ്പദ് വ്യവസ്ഥയുടേയും നട്ടെല്ലാണെന്ന് ചൂണ്ടിക്കാട്ടിയാണ് കൗ ഹഗ് ഡേ ആചരിക്കാന് ആഹ്വാനം ചെയ്തത്. പാശ്ചാത്യ സംസ്കാരത്തിന്റെ അതിപ്രസരം ഇന്ത്യന് സമൂഹത്തിലുണ്ടെന്നും മൃഗ സംരക്ഷണ ബോര്ഡ് നേരത്തേ കുറ്റപ്പെടുത്തിയിരുന്നു. കേന്ദ്ര മൃഗ സംരക്ഷണ വകുപ്പിന്റെ അനുമതിയോടെയാണ് ‘കൗ ഹഗ് ഡേ’ ആചരിക്കാനുള്ള ആഹ്വാനമെന്ന് മൃഗ ക്ഷേമ ബോര്ഡ് വിശദീകരിച്ചിരുന്നു.
