നിക്കോബാർ ദ്വീപുകൾക്ക് സമീപം ഭൂചലനം. റിക്ടർ സ്കെയിലിൽ 5.0 രേഖപ്പെടുത്തിയ ഭൂചലനം ഇന്ന് പുലർച്ചെയാണ് ഉണ്ടായത്. 77 കിലോമീറ്റർ ആഴത്തിലാണ് ഭൂചലനം ഉണ്ടായതെന്ന് റിപ്പോർട്ടുകൾ സൂചിപ്പിക്കുന്നു. ഈ വർഷം രണ്ടാം തവണയാണ് ഈ മേഖലയിൽ ഭൂചലനമുണ്ടാകുന്നത്. അതിന് മുൻപ് ജനുവരിയിൽ ആൻഡമാൻ കടലിനോട് ചേർന്ന് 4.9 റിക്ടർ സ്കെയിലിൽ ഭൂചലനം ഉണ്ടായിരുന്നു.
അതേസമയം, ഞായറാഴ്ച പുലർച്ചെ ഉത്തര കാശിയിൽ 2.5 തീവ്രത രേഖപ്പെടുത്തിയ ഭൂചലനവും രണ്ട് തുടർ ചലനവും ഉണ്ടായി. ഭത്വരി മേഖലയിലെ സിറോർ വനമേഖലയായിരുന്നു ആദ്യ ചലനത്തിന്റെ പ്രഭവ കേന്ദ്രം.
എന്നാൽ നേരിയ ഭൂചലനം മാത്രമാണ് ഉണ്ടായിരുന്നതെന്നും പ്രാദേശികമായി രേഖപ്പെടുത്താൻ കഴിഞ്ഞില്ലെന്നും ജില്ലാ ദുരന്തനിവാരണ ഓഫീസർ വ്യക്തമാക്കി.
