മുൻ നക്സൽ നേതാവ് ഗ്രോ വാസുവിനെ ജയില്മോചിതനാമാക്കണമെന്നാവശ്യപ്പെട്ട് കൊണ്ട് വാസു ഏട്ടൻ ഐക്യദാർഢ്യ സമിതിയുടെ നേതൃത്വത്തിൽ പ്രതിഷേധ സംഗമം സംഘടിപ്പിച്ചു.കലാ സാംസ്കാരിക രംഗത്തുള്ള നിരവധി പേർ പോറ്റമ്മലിൽ നടന്ന പരിപാടിയിൽ പങ്കെടുത്തു. നിലമ്പൂർ വെടിവെപ്പിൽ പ്രതിഷേധിച്ചതിനാണ് ഗ്രോ വാസുവിനെ കഴിഞ്ഞയാഴ്ച പൊലീസ് അറസ്റ്റ് ചെയ്തത്.
കേസിൽ സ്വന്തം ജാമ്യത്തിൽ വിടാമെന്ന കുന്ദമംഗലം കോടതിയുടെ വ്യവസ്ഥ വേണ്ടെന്ന് വച്ചാണ് ഗ്രോ വാസു ജയിൽ തെരെഞ്ഞെടുത്തത്. മാവോയിസ്റ്റുകൾക്ക് നീതി കൊടുക്കാത്ത ഉദ്യോഗസ്ഥരെ ശിക്ഷിക്കാത്താതെന്തെന്ന മറു ചോദ്യം കോടതിയോട് വാസു ഉന്നയിക്കുകയും ചെയ്തിരുന്നു. 94 കാരനായ വാസുവിനെ വെറുതെ വിടണമെന്നാണ് പ്രതിഷേധക്കാരുടെ ആവശ്യം. പ്രതിഷേധ സംഗമം കവി കൽപറ്റ നാരായണൻ ഉദ്ഘാടനം ചെയ്തു.
