കൊച്ചി: പുരാവസ്തു തട്ടിപ്പുമായി ബന്ധപ്പെട്ട് മോൻസൺ മാവുങ്കൽ മുഖ്യ പ്രതിയായ കേസിൽ കള്ളപണം വെളുപ്പിക്കലുമായി ബന്ധപ്പെട്ട് കെ പി.സി.സി. പ്രസിഡന്റ് കെ. സുധാകരന് എന്ഫോഴ്സ്മെന്റ് ഡയറക്ടറേറ്റിനു (ഇ.ഡി.) മുന്നില് ഹാജരായി. തിങ്കളാഴ്ച രാവിലെ 10.55-ഓടെയാണ് കെ. സുധാകരന് കൊച്ചി ഇ.ഡി ഓഫീസിലെതിയത്. ഡി.സി.സി. പ്രസിഡന്റ് മുഹമ്മദ് ഷിയാസ്, കെ.പി.സി.സി. ജനറല് സെക്രട്ടറി കെ. ജയന്ത് അടക്കമുള്ളവരും സുധാകരനൊപ്പമുണ്ടായിരുന്നു.
ഓഗസ്റ്റ് 30-ന് ഹാജരാകാന് ഇ.ഡി ആവശ്യപ്പെട്ടെങ്കിലും ചോദ്യം ചെയ്യുലിന് ഹാജരാകാൻ അസൗകര്യമുണ്ടെന്ന് പറഞ്ഞ് സുധാകരൻ ഇ.ഡി.ക്ക് കത്ത് നല്കിയിരുന്നു. പുതുപ്പള്ളി ഉപതിരഞ്ഞെടുപ്പായിരുന്നു മുഖ്യ കാരണം. ഇതിന് മുന്നേ ഹാജരായപ്പോള് സുധാകരനെ ഒന്പത് മണിക്കൂറാണ് ഇ.ഡി ചോദ്യം ചെയ്തത്
എല്ലാ രേഖകളും താൻ ഹജരാക്കിട്ടുണ്ടെന്ന് കെ. സുധാകരന് മാുധ്യമങ്ങളോട് പറഞ്ഞു. തനിക്കെതിരെ ഇതുവരെ തെളിവുകളൊന്നും ഇല്ല. ഇനി ഉണ്ടാകാനും സാധ്യതയില്ലെന്നം അദ്ദേഹം പറഞ്ഞു
‘മൊയ്തീന് അവിടെ ഇരുന്നോട്ടെ. അവര് വരാന് പറഞ്ഞിട്ട് വന്നതാണെന്ന് മൊയ്തീന് നിങ്ങളോട് പറഞ്ഞിട്ടുണ്ടല്ലോ. നമ്മള് തമ്മില് കാണില്ല, രണ്ടും രണ്ട് മുറിയിലാണ്, രണ്ടു കേസാണ്’, കരുവന്നൂര് ബാങ്കില് കള്ളപ്പണം വെളുപ്പിച്ചെന്ന കേസുമായി ബന്ധപ്പെട്ട് മുന് മന്ത്രിയും സി.പി.എം. സംസ്ഥാന കമ്മിറ്റി അംഗവുമായ എ.സി. മൊയ്തീന് എം.എല്.എ. ഇ.ഡിക്ക് മുന്നില് ഹാജരായത് മാധ്യമപ്രവര്ത്തകര് ചൂണ്ടിക്കാട്ടിയപ്പോള് കെ. സുധാകരന് പ്രതികരിച്ചു.
