കണ്ണൂര്: ചൊക്ലിയിലെ ഷഫ്നയുടെ മരണം കൊലപാതകം ആണെന്ന ആരോപണവുമായി ബന്ധുക്കള്.ഭര്തൃവീട്ടുകാര് ഷഫ്നയെ നിരന്തരമായി പീഡിപ്പിച്ചിരുന്നെന്നു കുടുംബം ആരോപിച്ചു. തൊട്ടില്പ്പാലം സ്വദേശിയായ ഷഫ്നയെ (26) മരിച്ച നിലയില് കണ്ടെത്തിയത്.
സ്ത്രീധനത്തുക കുറഞ്ഞുപോയെന്ന് ആരോപിച്ച് ഷഫ്നയെ ഭര്തൃവീട്ടുകാര് ശാരീരികമായി ഉപദ്രവിക്കാറുണ്ടായിരുന്നെന്ന് ബന്ധുക്കള് പറഞ്ഞു. ഭര്തൃപിതാവ് കഴുത്ത് പിടിച്ച് ഞെരിച്ചതായി ഒരിക്കല് പരാതി പറഞ്ഞിട്ടുണ്ടെന്നും ബന്ധുക്കള് ആരോപിച്ചു. ഷഫ്നയുടെ പോസ്റ്റ്മോര്ട്ടം റിപ്പോര്ട്ടില് ശരീരത്തില് മുറിവുകള് ഉള്ളതായി കണ്ടെത്തിയിരുന്നു. സംഭവത്തില് അസ്വാഭാവിക മരണത്തിനു ചൊക്ലി പൊലീസ് കേസെടുത്തിട്ടുണ്ട്.
കഴിഞ്ഞ തിങ്കളാഴ്ച രാവിലെ ഒന്പതുമണിയോടെയാണ് ഷഫ്നയെ ഭര്തൃവീട്ടിലെ കിണറ്റില് മരിച്ചനിലയില് കണ്ടെത്തിയത്.
