വണ്ടിപ്പെരിയാര്: ഇടുക്കി വണ്ടിപ്പെരിയാറില് പീഡനത്തിനിരയായി കൊല്ലപ്പെട്ട ആറുവയസുകാരിയുടെ അച്ഛന് കുത്തേറ്റു.
വണ്ടിപ്പെരിയാര് ടൗണില്വച്ചാണ് കുത്തേറ്റത്. കേസില് പ്രത്യേക പോക്സോ കോടതി വെറുതെവിട്ട പ്രതി അര്ജുന്റെ ബന്ധു പാല്രാജ് ആണ് കുത്തിയത്. പെണ്കുട്ടിയുടെ പിതാവിനെ വണ്ടിപ്പെരിയാര് ഗവണ്മെന്റ് ആശുപത്രിയില് പ്രവേശിപ്പിച്ചു. പരിക്ക് ഗുരുതരമല്ലെന്നാണ് ലഭിക്കുന്ന വിവരം.
2021 ജൂണ് 30നാണ് വണ്ടിപ്പെരിയാര് ചുരക്കുളം എസ്റ്റേറ്റ് ലയത്തില് ആറു വയസ്സുകാരിയെ പീഡിപ്പിച്ച് കൊലപ്പെടുത്തിയത്. എന്നാല്, പ്രതിക്കെതിരെ കൊലപാതകവും ബലാത്സംഗവും അടക്കമുള്ള കുറ്റങ്ങള് തെളിയിക്കാന് പ്രോസിക്യൂഷന് കഴിഞ്ഞില്ലെന്ന് ചൂണ്ടിക്കാട്ടി കട്ടപ്പന അതിവേഗ സ്പെഷല് കോടതി ജഡ്ജി വി. മഞ്ജു പ്രതിയെ വെറുതെ വിടുകയായിരുന്നു.
