പ്രധാനമന്ത്രി വീണ്ടും തൃശൂരിലേക്ക്. ജനുവരി 17 ന് ഗുരുവായൂരില് എത്തിയേക്കും. സുരേഷ് ഗോപിയുടെ മകളുടെ വിവാഹചടങ്ങില് പങ്കെടുക്കും. സംസ്ഥാന പൊലീസ് സുരക്ഷാ ക്രമീകരണങ്ങള് വിലയിരുത്തി. കൊച്ചിയില് വികസന പദ്ധതികളുടെ ഉദ്ഘാടനവും നിര്വഹിക്കും. നേരത്തെ സുരേഷ് ഗോപിയും കുടുംബം പ്രധാനമന്ത്രിയെ നേരില് കണ്ട് വിവാഹചടങ്ങിലേക്ക് ക്ഷണിച്ചിരുന്നു.
ഈ മാസം 17 ന് ഗുരുവായൂരില് വച്ചാണ് സുരേഷ് ഗോപിയുടെ മകള് ഭാഗ്യയുടെ വിവാഹം.മാവേലിക്കര സ്വദേശിയായ ശ്രേയസ് മോഹനാണ് വരന്. സുരേഷ്ഗോപിയുടെ തിരുവനന്തപുരത്തെ വീട്ടില് വച്ച് ഇക്കഴിഞ്ഞ ജൂലൈയില് വിവാഹ നിശ്ചയ ചടങ്ങുകള് നടത്തിയിരുന്നു.
ജനുവരി 20ന് തിരുവനന്തപുരം ഗ്രീന്ഫീല്ഡ് സ്റ്റേഡിയത്തില് വച്ചാണ് വിവാഹ സല്ക്കാരം. മാവേലിക്കര സ്വദേശികളായ മോഹന്റെയും ശ്രീദേവിയുടെയും മകനാണ് ബിസിനസുകാരനായ ശ്രേയസ്. സുരേഷ് ഗോപിയുടെ മൂത്ത മകളാണ് ഭാഗ്യ. ബ്രിട്ടിഷ് കൊളംബിയ സര്വകലാശാലയില് നിന്നും ബിസിനസില് ബിരുദം നേടി. ഗോകുല്, മാധവ്, ഭാവ്നി, പരേതയായ ലക്ഷ്മി എന്നിവരാണ് സഹോദരങ്ങള്.
