ന്യൂഡല്ഹി: ഗ്യാനേഷ് കുമാറും സുഖ്ബീര് സന്ധുവും പുതിയ തെരഞ്ഞെടുപ്പ് കമ്മീഷണര്മാരാകും. ലോക്സഭയിലെ കോണ്ഗ്രസിന്റെ കക്ഷി നേതാവ് അധീര് രഞ്ജന് ചൗധരിയാണ് ഇക്കാര്യം മാധ്യമങ്ങളെ അറിയിച്ചത്. പ്രധാനമന്ത്രി നരേന്ദ്ര മോദി അധ്യക്ഷനായ നിയമന സമിതിയില് അധീറും അംഗമായിരുന്നു. യോഗത്തില് കേന്ദ്ര ആഭ്യന്തര മന്ത്രി അമിത് ഷായും പങ്കെടുത്തു.
1988 ബാച്ചിലെ ഐ.എ.എസ് ഉദ്യോഗസ്ഥരാണ് ഗ്യാനേഷ് കുമാറും സുഖ്ബീര് സന്ധുവും. കേരള കേഡര് സിവില് സര്വീസ് ഉദ്യോഗസ്ഥാണു ഗ്യാനേഷ് കുമാര്. ഉത്തരാഖണ്ഡ് കേഡറില് നിന്നാണ് സുഖ്ബീര് സന്ധു.
അതേസമയം, തെരഞ്ഞെടുപ്പ് കമ്മീഷണര് നിയമനത്തില് അധീര് രഞ്ജന് ചൗധരി വിയോജനക്കുറിപ്പ് നല്കി.
