കാലിക്കറ്റ് സര്വകലാശാലയില് SFI നേതാവ് ഐഷി ഘോഷിനെ പങ്കെടുപ്പിച്ച് പരിപാടി നടത്തിയ സംഭവത്തില്, സര്വകലാശാലയുടെ പ്രതികാര നടപടി. SFI യൂണിറ്റ് സെക്രട്ടറി അഭിനന്ദിനെ ക്യാംപസില് നിന്നും ഹോസ്റ്റലില് നിന്നും പുറത്താക്കി.വൈസ് ചാന്സിലറുടെ ഉത്തരവിന്മേല് വകുപ്പ് മേധാവിയുടേതാണ് നടപടി. Integrated M.A. in Comparative Literature മൂന്നാം സെമസ്റ്റര് വിദ്യാര്ഥിയാണ് അഭിനന്ദ്.
രജിസ്ട്രാറുടെ പരാതിയില് അഭിനന്ദ് ഉള്പ്പെടെ നാല് എസ്എഫ്ഐ പ്രവര്ത്തകര്ക്ക് എതിരെ കഴിഞ്ഞ ദിവസം തേഞ്ഞിപ്പലം പൊലീസ് കേസെടുത്തിരുന്നു. വി.സി ഉള്പ്പെടെ ഉള്ളവരെ തടഞ്ഞു വെച്ചു എന്ന് പറഞ്ഞായിരുന്നു കേസ്. എസ്എഫ്ഐ നേതാവ് ഐഷി ഘോഷിനെ പങ്കെടുപ്പിച്ചുള്ള DSU മാഗസിന് പ്രകാശനത്തിന് യൂണിവേഴ്സിറ്റി ഹാള് അനുവദിക്കാത്തതില് പ്രതിഷേധിച്ച് എസ്എഫ്ഐ പ്രവര്ത്തകര് വി.സി യുടെ ചെമ്പറിനു മുന്നില് പ്രതിഷേധിച്ചിരുന്നു. ഇതിന് പിന്നാലെയാണ് കേസ് എടുത്തത്. സംഘി പ്രതികാരമെന്നും അഭിനന്ദിനെ തിരിച്ചെടുക്കും വരെ പ്രതിഷേധം എന്നും എസ്എഫ്ഐ വ്യക്തമാക്കി.
