ന്യൂഡല്ഹി: ഡല്ഹി മുഖ്യമന്ത്രി അരവിന്ദ് കെജ്രിവാളിന്റെ അറസ്റ്റില് പ്രതിഷേധിച്ച് പ്രധാനമന്ത്രി മോദിയുടെ വസതിയിലേക്കുള്ള എ.എ.പി മാര്ച്ച് ഡല്ഹി പൊലീസ് തടഞ്ഞു. പട്ടേല് ചൗക്ക് മെട്രോ സ്റ്റേഷന് പരിസരത്ത് നിന്ന് നേതാക്കളും പ്രവര്ത്തകരുമടക്കം നിരവധി പേരെ പൊലീസ് കസ്റ്റഡിയിലെടുത്തു. പ്രദേശത്ത് സംഘര്ഷാവസ്ഥ ഉടലെടുത്തു.
പ്രകടനത്തിന് അനുമതിയില്ലെന്നും പിരിഞ്ഞുപോകണമെന്നും പൊലീസ് മുന്നറിയിപ്പ് നല്കി. പ്രധാനമന്ത്രിയുടെ വസതിക്ക് ചുറ്റും പട്ടേല് ചൗക്ക് മെട്രോ സ്റ്റേഷനിലും പരിസരത്തും നിരോധനാജ്ഞ പ്രഖ്യാപിച്ചിരുന്നു. ഇത് കൂട്ടാക്കാതെയാണ് ആംആദ്മി പ്രവര്ത്തകര് തടിച്ചുകൂടിയത്. തുഗ്ലക് റോഡ്, സഫ്ദര്ജങ് റോഡ്, കമാല് അത്താതുര്ക്ക് മാര്ഗ് എന്നിവിടങ്ങളില് വാഹനങ്ങള് നിര്ത്തുന്നതിനും പാര്ക്ക് ചെയ്യുന്നതിനും ട്രാഫിക് പൊലീസ് വിലക്കേര്പ്പെടുത്തിയിരുന്നു.
കഴിഞ്ഞ വ്യാഴാഴ്ച രാത്രിയാണ് ഡല്ഹി മദ്യനയത്തില് അഴിമതി ആരോപിച്ച് മുഖ്യമന്ത്രി കെജ്രിവാളിനെ ഇ.ഡി അറസ്റ്റ് ചെയ്തത്.