തിരുവനന്തപുരം: കേരള മുന് ഫുട്ബോള് കളിക്കാരനായും പരിശീലകനായും അരനൂറ്റാണ്ടിലേറെ നിറഞ്ഞുനിന്ന ടി കെ ചാത്തുണ്ണി അന്തരിച്ചു. അര്ബുദ ബാധിതനായി സ്വകാര്യ ആശുപത്രിയില് ചികിത്സയിലായിരുന്നു. ഇന്ന് രാവിലെ ഏഴേമുക്കാലോടെയാണ് അന്ത്യം.സന്തോഷ് ട്രോഫിയില് കേരളത്തിനായും ഗോവയ്ക്കായും കളിച്ചിട്ടുണ്ട്.മോഹന് ബഗാന്, എഫ്സി കൊച്ചിന് അടക്കം നിരവധി ടീമുകളെ പരിശീലിപ്പിച്ചിട്ടുണ്ട്. ഐഎം വിജയന്, ജോ പോള് അഞ്ചേരി അടക്കം നിരവധി പ്രതിഭകളുടെ കഴിവുകള് പൂര്ണമായി പുറത്തെടുക്കാന് സഹായിച്ച പരിശീലകന് എന്ന നിലയിലും ഇദ്ദേഹം പ്രശസ്തി നേടിയിട്ടുണ്ട്.
സന്തോഷ് ട്രോഫിയില് കേരളത്തിനായും ഗോവയ്ക്കായി കളിച്ചിട്ടുണ്ട്. കളിക്കാരന് എന്ന നിലയില് 15 വര്ഷം നീണ്ടുനിന്നതായിരുന്നു ടി കെ ചാത്തുണ്ണിയുടെ ഫുട്ബോള് ജീവിതം.
