Author: editor

കടുത്ത വര്‍ഗീയ പ്രചാരണവുമായി ഗുരുവായൂരിലെ എൻഡിഎ സ്ഥാനാർത്ഥിയും ബിജെപി സംസ്ഥാന വൈസ് പ്രസിഡന്റുമായ അഡ്വ: ബി ഗോപാലകൃഷ്ണൻ. അര നൂറ്റാണ്ടായി ഗുരുവായൂരപ്പന്‍റെ മണ്ണിൽ ഒരു ഹിന്ദു എംഎൽഎ ഉണ്ടായിട്ടില്ലെന്നും ഇടതനും വലതനും ഹിന്ദു സമൂഹത്തിൽ നിന്നുള്ള സ്ഥാനാർത്ഥിയെ പോലും നിർത്തുന്നില്ലെന്നും  ബി.ഗോപാലകൃഷ്‌ണൻ പറയുന്നു. പ്രചാരണത്തിന്‍റെ ഭാഗമായി ഫെയ്സ്ബുക്കില്‍ ഇട്ട വീഡിയോയിലാണ് ഈ പരാമര്‍ശങ്ങളുള്ളത്.  48 % ഹൈന്ദവ ജനസംഖ്യയുള്ള ഗുരുവായൂരിൽ കഴിഞ്ഞ 50 വർഷമായി ഒരു ഹിന്ദു എംഎൽഎ ഇല്ല എന്ന അടിക്കുറിപ്പോടെ ബിജെപി പ്രചരിപ്പിക്കുന്ന വീഡിയോയിൽ ഗോപാലകൃഷ്ണൻ […]

യുഡിഎഫിൽ സ്ഥാനാർത്ഥി നിർണ്ണയം വളരെ വേഗത്തിലും സമാധാനപരമായും പൂർത്തിയാക്കിയെന്ന് പ്രതിപക്ഷ നേതാവ് വി ഡി സതീശൻ. കോൺഗ്രസിനുള്ളിൽ പ്രശ്നങ്ങളുണ്ടെന്ന രീതിയിൽ വരുന്ന വാർത്തകൾ അടിസ്ഥാനരഹിതമാണെന്നും ഇത്തരം ‘നുണ ബോംബുകൾ’ ജനങ്ങൾക്കിടയിൽ വിലപ്പോകില്ലെന്നും അദ്ദേഹം പറഞ്ഞു. എകെജി സെന്ററിൽ ഇരുന്ന് സ്ഥാനാർത്ഥികളെ തീരുമാനിക്കുന്നത് പോലെയല്ല കോൺഗ്രസിലെ നടപടിക്രമങ്ങളെന്നും, കൃത്യമായ ചർച്ചകളിലൂടെയും തെരഞ്ഞെടുപ്പ് കമ്മിറ്റിയുടെ ശുപാർശ പ്രകാരവുമാണ് തീരുമാനങ്ങൾ എടുക്കുന്നതെന്നും അദ്ദേഹം കൂട്ടിച്ചേർത്തു. മൂന്ന് ദിവസത്തിനുള്ളിൽ തന്നെ സ്ഥാനാർത്ഥി നിർണ്ണയം പൂർത്തിയാക്കാൻ കഴിഞ്ഞത് ടീം യുഡിഎഫിന്റെ വിജയമാണെന്നും സതീശൻ അവകാശപ്പെട്ടു. […]

കായംകുളം: ചെറിയ പെരുന്നാൾ ആഘോഷത്തിനിടയിൽ കായംകുളത്തെ പത്തിരിക്കടയിൽ നാടകീയ രംഗങ്ങൾ. മുൻകൂട്ടി ഓർഡർ ചെയ്ത പത്തിരി കൃത്യസമയത്ത് ലഭിക്കാത്തതിനെച്ചൊല്ലി ഉപഭോക്താക്കളും കടയുടമയും തമ്മിൽ തർക്കമുണ്ടായി. രാവിലെ മുതൽ പത്തിരി വാങ്ങാനെത്തിയവരും കടയുടമയും തമ്മിലുണ്ടായ വാക്കുതർക്കമാണ് സംഘർഷത്തിൽ കലാശിച്ചത്. അപ്രതീക്ഷിതമായി പാചകവാതകം തീർന്നുപോയതാണ് പ്രതിസന്ധിക്ക് കാരണമായതെന്നാണ് കടയുടമയുടെ വിശദീകരണം. സിലിണ്ടറുകൾ കൃത്യസമയത്ത് എത്താത്തതിനാൽ പാചകം പാതിവഴിയിൽ മുടങ്ങുകയായിരുന്നു. എന്നാൽ, വിരുന്നുകാർ വീട്ടിലെത്തുന്ന സമയമായിട്ടും പത്തിരി ലഭിക്കാത്തത് ഉപഭോക്താക്കളെ ചൊടിപ്പിച്ചു. സംഭവം വഷളായതോടെ കടയ്ക്ക് മുന്നിൽ വൻ ജനക്കൂട്ടം തടിച്ചുകൂടുകയും […]

പത്തനംതിട്ട: ആറന്മുള മണ്ഡലം തിരിച്ചുപിടിക്കാനുറച്ച് യുഡിഎഫ് സ്ഥാനാർത്ഥി അബിൻ വർക്കി പ്രചാരണരംഗത്ത് സജീവമാകുന്നു. കഴിഞ്ഞ പത്ത് വർഷമായി മണ്ഡലത്തിൽ തുടരുന്ന വികസന മുരടിപ്പിനുള്ള മറുപടിയായിരിക്കും ഈ തിരഞ്ഞെടുപ്പെന്ന് അബിൻ വർക്കി പറഞ്ഞു. ‘ഇനി എല്ലാം വർക്കാവും’ എന്ന പുതിയ മുദ്രാവാക്യമുയർത്തിയാണ് അദ്ദേഹം വോട്ടർമാരെ സമീപിക്കുന്നത്. മണ്ഡലത്തിലെ വികസന മുരടിപ്പിന് തെളിവാണ് പാതിവഴിയിൽ നിലച്ചുപോയ അബാൻ മേൽപ്പാലമെന്ന് അബിൻ വർക്കി ആരോപിച്ചു. ഇതുപോലെ നിരവധി പദ്ധതികൾ മണ്ഡലത്തിൽ മുടങ്ങിക്കിടക്കുകയാണെന്നും അദ്ദേഹം കുറ്റപ്പെടുത്തി. ആറന്മുളയെ വീണ്ടെടുക്കാനുള്ള പോരാട്ടമാണിത്. ശബരിമല സ്വർണ്ണക്കൊള്ളയുൾപ്പെടെയുള്ള […]

തൃശൂർ: തിരുവനന്തപുരത്ത് കെ. മുരളീധരനെ സ്വന്തം പാർട്ടിയിൽ തന്നെ കാലുവാരുന്നവര്‍ ഉണ്ടെന്ന് ബിജെപി സ്ഥാനാർത്ഥി പത്മജ വേണുഗോപാൽ. കെ. കരുണാകരന്റെ വോട്ടുകൾ തനിക്ക് ലഭിക്കുമെന്നും, അത് ആർക്കും പൂർണ്ണമായി കൊണ്ടുപോകാനാകില്ലെന്നും പത്മജ വ്യക്തമാക്കി. നെടുമ്പാശ്ശേരി വിമാനത്താവളത്തിന് കെ. കരുണാകരന്റെ പേര് നൽകണമെന്നും പത്മജ ആവശ്യപ്പെട്ടു. മുൻപ് യുഡിഎഫ് അധികാരത്തിലിരുന്നപ്പോൾ ഇതിന് തയ്യാറാകാതിരുന്നത് കരുണാകരന്റെ മക്കൾക്ക് അതിന്റെ ക്രെഡിറ്റ് ലഭിക്കുമെന്ന് ഭയന്നാണെന്നും അവർ ആരോപിച്ചു. തൃശൂരിലെ കഴിഞ്ഞ രണ്ട് തിരഞ്ഞെടുപ്പുകളിലും നേരിട്ട തിരിച്ചടികൾ ഇത്തവണ ഉണ്ടാകില്ലെന്നും അച്ഛന്റെ പേരിൽ […]

കേരള നിയമസഭാ തിരഞ്ഞെടുപ്പ് ആവേശത്തിലേക്ക് കടക്കുമ്പോൾ പാലക്കാട് നിയോജക മണ്ഡലത്തിലെ യുഡിഎഫ് സ്ഥാനാർത്ഥിയായ രമേഷ് പിഷാരടിക്ക് സിനിമാ ലോകത്തുനിന്നും വലിയ പിന്തുണയാണ് ലഭിച്ചുകൊണ്ടിരിക്കുന്നത്. സെലിബ്രിറ്റി സ്ഥാനാർത്ഥികളിൽ മുൻനിരയിലുള്ള പിഷാരടിയുടെ രാഷ്ട്രീയ പ്രവേശനത്തെയും സ്ഥാനാർത്ഥിത്വത്തെയും പ്രേക്ഷകരും സഹപ്രവർത്തകരും ഒരുപോലെ ഉറ്റുനോക്കുന്നു. ഈ സാഹചര്യത്തിലാണ് നടൻ നിസാർ മാമുക്കോയ പിഷാരടിക്ക് പിന്തുണയുമായി രംഗത്തെത്തിയത്. പാലക്കാട്ടെ വോട്ടർമാർക്ക് അഭിമാനിക്കാവുന്ന വ്യക്തിത്വമാണ് പിഷാരടിയുടേതെന്ന് അദ്ദേഹം അഭിപ്രായപ്പെട്ടു. രമേഷ് പിഷാരടിയെ വ്യക്തിപരമായി ഏറെക്കാലമായി അറിയാമെന്നും കൃത്യമായ രാഷ്ട്രീയ ബോധ്യമുള്ള, നന്നായി വായിക്കുന്ന ഒരാളാണ് അദ്ദേഹമെന്നും […]

തിരുവനന്തപുരം: കേരളത്തിലെ തിരഞ്ഞെടുപ്പ് പ്രചാരണത്തിനായി ബിജെപിയുടെ വൻനിര തന്നെ അണിനിരക്കുന്നു. പ്രധാനമന്ത്രിയും ആഭ്യന്തരമന്ത്രി അമിത് ഷായും രണ്ട് തവണ വീതം സംസ്ഥാനത്തെത്തുമെന്നതാണ് പ്രധാന ആകർഷണം. ദേശീയ അധ്യക്ഷൻ നിതിൻ നവീൻ മൂന്ന് തവണ സന്ദർശനം നടത്തും. സ്ഥാനാർത്ഥികളുടെ പത്രികാ സമർപ്പണ വേളയിൽ വിവിധ സംസ്ഥാനങ്ങളിൽ നിന്നുള്ള ബിജെപി മുഖ്യമന്ത്രിമാരും കേന്ദ്രമന്ത്രിമാരും നേരിട്ടെത്തും. തിരുവനന്തപുരത്ത് കേന്ദ്രമന്ത്രി അശ്വിനി വൈഷ്ണവും, കാസർകോട് ഡൽഹി മുഖ്യമന്ത്രിയും (ബിജെപി പ്രതിനിധി), കണ്ണൂരിൽ മണിപ്പൂർ മുഖ്യമന്ത്രിയും പങ്കെടുക്കും. കൊല്ലം, കാഞ്ഞിരപ്പള്ളി എന്നിവിടങ്ങളിൽ ഗോവ മുഖ്യമന്ത്രിയായിരിക്കും […]