Author: editor

കര്‍ണാടകയിൽ കനറാ ബാങ്കിന്‍റെ സ്ട്രോങ് റൂമിൽ സൂക്ഷിച്ചിരുന്ന 51 കിലോ സ്വര്‍ണവും 5.20 ലക്ഷം രൂപയും മോഷണം പോയി .കനറാ ബാങ്കിന്‍റെ വിജയപുര മനഗുള്ളി ശാഖയിലാണ് മോഷണം നടന്നത്. . മോഷണം പോയ സ്വര്‍ണത്തിന് ഏകദേശം 52 കോടിയോളം മൂല്യം വരും. മേയ് 23-ന് വൈകിട്ട് ഏഴുമണിക്കും മേയ് 25 രാവിലെ 11.30-നും ഇടയിലാണ് കവര്‍ച്ച നടന്നതെന്നാണ് നിഗമനം. മേയ് 23 ആയിരുന്നു ബാങ്കിന്‍റെ അവസാന പ്രവൃത്തിദിവസം. 24, 25 തീയതികളില്‍ ബാങ്ക് അവധിയായിരുന്നു. മേയ് 25-ന് […]

കണ്ണൂർ മീൻകുന്ന് ബീച്ചിൽ കാണാതായയാളുടെ മൃതദേഹം കണ്ടെത്തി.പട്ടാന്നൂർ കോടോളിപ്രം സ്വദേശി ഗണേഷ് നമ്പ്യാരുടെ മൃതദേഹമാണ് കണ്ടെടുത്തത്.ഇന്നലെ വൈകിട്ട് നാല് മണിയോടെ മീൻകുന്ന് കള്ളക്കടപ്പുറം ഭാഗത്താണ് രണ്ട് യുവാക്കളെ കടലിൽ കാണാതായത്. കണ്ണൂര്‍ നീര്‍ക്കടവില്‍ വച്ചാണ് മൃതദേഹം കണ്ടെത്തിയത്. കടലില്‍ ഒഴുകി നടക്കുന്ന രീതിയിലായിരുന്നു മൃതദേഹം. മത്സ്യത്തൊഴിലാളികള്‍ വിവരം നല്‍കിയതിനെ തുടര്‍ന്ന് മറൈന്‍ എന്‍ഫോഴ്‌സ്‌മെന്റിന്റെ നേതൃത്വത്തില്‍ മൃതദേഹം ആയിക്കര കടപ്പുറത്തെത്തിച്ചു.കാണാതായ എഞ്ചിനീയറിങ് വിദ്യാര്‍ഥിക്കായുള്ള തിരച്ചില്‍ ഊര്‍ജ്ജിതമാക്കി

പത്തനംതിട്ട:കസ്റ്റഡിയിൽ എടുത്തു വിട്ടയച്ച പ്രതി തൂങ്ങിമരിച്ച നിലയിൽ കണ്ടെത്തിയ സംഭവംപൊലീസ് ഉദ്യോഗസ്ഥനെതിരെ നടപടി. പത്തനംതിട്ട കോയിപ്രം സിഐയെ സസ്പെന്‍ഡ് ചെയ്തു. കഞ്ചാവ് ബീഡി വലിച്ചതിന് കസ്റ്റഡിയിൽ എടുത്തയാൾക്ക് മർദനം ഏറ്റെന്ന കണ്ടെത്തലിലാണ് നടപടി.കസ്റ്റഡിയിൽ എടുത്തു വിട്ടയച്ച പത്തനംതിട്ട വരയന്നൂർ സ്വദേശി കെ.എം. സുരേഷിനെ പിന്നീട് തൂങ്ങിമരിച്ച നിലയിൽ കണ്ടെത്തിയിരുന്നു. മർദനം സ്ഥിരീകരിച്ചതോടെയാണ് കോയിപ്രം സിഐ ജി. സുരേഷ് കുമാറിനെ സസ്പെൻഡ് ചെയ്തത്.

ഡിജിപി സ്ഥാനത്തേക്ക് പരിഗണിക്കാൻ കേരളം കേന്ദ്രത്തിനു ശുപാർശ ചെയ്ത പട്ടികയിൽനിന്നു മുതിർന്ന ഐപിഎസ് ഉദ്യോഗസ്ഥൻ മനോജ് ഏബ്രഹാമിനെ ഒഴിവാക്കണമെന്ന് ആവശ്യപ്പെട്ടുള്ള ഹർജി ഹൈക്കോടതി തള്ളി. സർവീസ് വിഷയമായതിനാൽ സെൻട്രൽ അഡ്മിനിസ്ട്രേറ്റീവ് ട്രൈബ്യൂണലിനെയാണ് സമീപിക്കേണ്ടതും ഹൈക്കോടതിയിൽ ഹർജി നിലനിൽക്കില്ലെന്നും വ്യക്തമാക്കിയാണ് ജസ്റ്റിസ് എൻ.നഗരേഷ് ഹർജി തള്ളിയത്. ഹർജിക്ക് പൊതുതാൽപര്യ ഹർജിയുടെ സ്വഭാവമുണ്ടെന്നും പരാതിക്കാരന് എന്താണ് ഇതിൽ പൊതുതാൽപര്യമെന്നും കോടതി ചോദിച്ചു. മാധ്യമപ്രവർത്തകനായ എം.ആർ.അജയനാണ് ഹർജി നൽകിയത്. വരവിൽ കവിഞ്ഞ സ്വത്ത് സമ്പാദനം അടക്കമുള്ള വിഷയങ്ങൾ ചൂണ്ടിക്കാട്ടിയായിരുന്നു ഹർജി. എന്നാൽ […]

നിലമ്പൂർ ഉപതിരഞ്ഞെടുപ്പിൽ പി വി അൻവർ നൽകിയ നാമനിർദേശപത്രിക തള്ളി. സ്വതന്ത്ര സ്ഥാനാർത്ഥിയായി സമർപ്പിച്ച് പത്രിക അംഗീകരിച്ചിട്ടുണ്ട്. സാങ്കോതികപരമായ കാരണങ്ങളാലാണ് പത്രിക തള്ളിയത്. ടിഎംസിയ്ക്ക് ദേശീയ പാർട്ടി സ്ഥാനം നഷ്ടമായതിനാൽ ഈ നാമനിർദേശ പത്രികയിൽ 10 പേരുടെ ഒപ്പ് വേണമായിരുന്നു. എന്നാൽ അൻവർ സമർപ്പിച്ച് പത്രികയിൽ പത്ത് പേരുടെ ഒപ്പ് ഇല്ലെന്നാണ് ലഭിക്കുന്ന വിവരം. തുടർന്നാണ് പത്രിക തള്ളിയത്. പത്രികയിൽ ഇപ്പോൾ കൂടുതൽ ചർച്ചകൾ നടക്കുകയാണ്

തിരുവനന്തപുരം: സ്‌കൂളിലും പരിസരത്തും പാമ്പിനെ കണ്ടാൽ ഇനി പേടിക്കേണ്ട. സംസ്ഥാനത്തെ വനം വകുപ്പിന്റെ സർപ്പ വോളണ്ടിയർമാർ ഉടൻ സ്ഥലത്തെത്തും. പ്രവേശനോത്സവത്തോടനുബന്ധിച്ചാണ് സംസ്ഥാനത്തെ ഉരഗ പരിശോധന ആരംഭിച്ചത്. കഴിഞ്ഞ ആഴ്‌ച ആരംഭിച്ച പരിശോധന ഈ ആഴ്‌ചയിലും തുടരും. സ്‌കൂൾ അധികൃതർ അല്ലെങ്കിൽ പിടിഎ ഭാരവാഹികൾ അറിയിക്കുന്നത് പ്രകാരമാണ് വോളണ്ടിയർമാർ പരിശോധനയ്‌ക്കായി എത്തുന്നത്. സ്‌കൂളുകളിലും പരിസരങ്ങളിലും വിഷപ്പാമ്പുകളുടെ സാന്നിദ്ധ്യം ഒഴിവാക്കി കുട്ടികളുടെ സുരക്ഷ ഉറപ്പാക്കുകയാണ് ലക്ഷ്യം. വിദ്യാർത്ഥികളുടെയും അദ്ധ്യാപകരുടെയും സുരക്ഷയ്‌ക്കായി വനം വകുപ്പ് നൽകുന്ന സുപ്രധാന സേവനമാണിതെന്ന് വനം വകുപ്പ് […]

ന്യൂഡൽഹി: മാഗ്‍സസെ പുരസ്കാരം സ്വീകരിക്കാതിരുന്നത് ചില കാരണങ്ങളാൽ ആണ്.അതിൽ പ്രധാനം രാഷ്ട്രീയ കാരണങ്ങൾ തന്നെയാണ് മുൻആരോഗ്യമന്ത്രി കെ.കെ ശൈലജ.താഴെതട്ടിലെ പ്രാഥമികാരോഗ്യ കേന്ദ്രങ്ങൾ ശക്തമായതിനാലാണ് കോവിഡും നിപയും തടഞ്ഞ് നിർത്താൻ കഴിഞ്ഞത്. പൊതുജന ആരോഗ്യത്തെക്കുറിച്ച് ഡൽഹി ഇന്ത്യാ ഇൻ്റർനാഷണല്‍ സെൻ്ററിൽ സംസാരിക്കുകയായിരുന്നു ശൈലജ.രണ്ടാംവട്ടം മന്ത്രി ആകുന്നതിനേക്കാൾവലിയ അംഗീകാരമാണ് പാർട്ടി ഇപ്പോൾ നൽകിയിരിക്കുന്നത്. 21,000 രൂപ മാസശമ്പളം സമ്മതിച്ച് ആശാവർക്കർമാരുടെ സമരം തീർക്കാനാവില്ല. കേരളത്തിൻ്റെ സാമ്പത്തിക അവസ്ഥയ്ക്ക് ഇതിനുള്ള പാങ്ങില്ലെന്നും കെ.കെ ശൈലജ പറഞ്ഞു.

തിരുവനന്തപുരം:68-ാമത് കോമൺവെൽത്ത് പാർലമെന്ററി കോൺഫറസിന്റെ ഭാഗമായ പ്രീ കോൺഫെറൻസ് ടൂറിൽ നിയമസഭാ സ്പീക്കർ എ എൻ ഷംസീർ ദക്ഷിണ കൊറിയ സന്ദർശിച്ചു.ഇന്ത്യൻ അംബാസഡർ അമിത് കുമാറിന്റെ ക്ഷണമനുസരിച്ച് അദ്ദേഹം സോളിലെ ഇന്ത്യൻ എംബസി സന്ദർശിച്ചു.ദക്ഷിണ കൊറിയയിൽ നിലവിൽ ഏകദേശം 18,000 ഇന്ത്യക്കാർ ജോലി ചെയ്യുന്നുണ്ട്. ഇതിൽ 250 പേർ മലയാളികളാണ്. കൊറിയൻ ഭാഷ പഠിക്കുന്നവർക്ക് അവിടെ ധാരാളം തൊഴിലവസരങ്ങളുണ്ട്. കൊച്ചിൻ പോർട്ടുമായി ബന്ധപ്പെട്ട ചില സുപ്രധാന വിഷയങ്ങളും ചർച്ച ചെയ്തു. കപ്പൽ നിർമ്മാണം പോലുള്ള മേഖലകളിൽ ദക്ഷിണ […]

കുന്ദമംഗലം:കുന്ദമംഗലം എ.എം.എൽ. പി സ്കൂളിൽ നടന്ന കുന്ദമംഗലം ഉപജില്ലാതല പ്രവേശനോത്സവം ബ്ലോക്ക് പഞ്ചായത്ത് പ്രസിഡന്റ് അരിയിൽ അലവി ഉദ്ഘാടനം ചെയ്തു.കുന്ദമംഗലം സബ്ജില്ല എ.ഇ.ഒ ശ്രീ കെ.രാജീവ് മുഖ്യപ്രഭാഷണം നടത്തി. കുട്ടികൾക്കുള്ള ഉപഹാര സമർപ്പണം വാർഡ് മെമ്പർ ഫാത്തിമ ജെസ്ലിൻ നിർവഹിച്ചു.പി ടി എ പ്രസിഡന്റ്‌ കെ. കെ ഷമീൽ അധ്യക്ഷനായിരുന്നു.ഹെഡ്മാസ്റ്റർ എം ഷാജു മാസ്റ്റർ സ്വാഗതം പറഞ്ഞു.കെ ടി മുജീബുദീൻ മാസ്റ്റർ,ജി മുജീബ് റഹ്മാൻ മാസ്റ്റർ,പി ടി എ വൈസ് പ്രസിഡന്റ്‌ അബ്ദുസലാം,ഷഫീഖ്, അഭിലാഷ്, ഡോ. ത്വൽഹത് […]

കനത്ത മഴയെത്തുടർന്ന് സിക്കിമിലെ സൈനിക ക്യാമ്പിലുണ്ടായ മണ്ണിടിച്ചിലിൽ കാണാതായ ആറു സൈനികർക്കായുള്ള തിരച്ചിൽ തുടരും. അപകടത്തിൽ മൂന്ന് സൈനികർ കൊല്ലപ്പെട്ടിരുന്നു. പരിക്കുകളോടെ നാലു പേരെ രക്ഷപ്പെടുത്തി. വടക്കൻ സിക്കിമിലെ ഛാത്തനിലെ സൈനിക ക്യാമ്പിൽ ഞായറാഴ്ചയാണ് മണ്ണിടിച്ചിൽ ഉണ്ടായത്. ലഖ്‌വീന്ദർ സിംഗ്, മുനീഷ് താക്കൂർ, അഭിഷേക് ലഖാദ എന്നിവരാണ് കൊല്ലപ്പെട്ടത്. കൊല്ലപ്പെട്ട സൈനികരുടെ കുടുംബത്തിന് ആവശ്യമായതെല്ലാം ചെയ്ത് കൊടുക്കുമെന്നും ദുഃഖത്തിൽ പങ്കുചേരുന്നുവെന്നു സേന അറിയിച്ചു. ഞായറാഴ്ച രാത്രി ഏഴ് മണിയോടെയാണ് കനത്ത മഴയെത്തുടർന്ന് മണ്ണിടിച്ചിലുണ്ടാകുന്നത്. വിവിധ സ്ഥലങ്ങളിലായി കുടുങ്ങിക്കിടക്കുന്ന […]