Author: editor

ലഹരിയെ ഇല്ലാതാക്കല്‍ അല്ല, എസ്എഫ്‌ഐയെ ഇല്ലാതാക്കലാണ് ചിലരുടെ ശ്രമമെന്ന് മന്ത്രി പി.എ മുഹമ്മദ് റിയാസ്. കളമശ്ശേരി പോളി ടെക്‌നിക് ഹോസ്റ്റലില്‍ നിന്നും ലഹരി പിടിച്ചെടുത്ത സംഭവത്തില്‍ എസ്എഫ്‌ഐയെ പ്രതികൂട്ടിലാക്കുന്ന നിലപാടിനെതിരെ മന്ത്രി പി.എ മുഹമ്മദ് റിയാസ്. അത്തരമൊരു അജണ്ടവെച്ച് ആരെങ്കിലും പ്രതികരിച്ചാല്‍ അത് ജനം മനസ്സിലാക്കുമെന്നും മന്ത്രി പറഞ്ഞു.എല്ലാ രാഷ്ട്രീയക്കാരും ലഹരിക്കെതിരെ നിലപാട് സ്വീകരിക്കുന്നവരാണ്. ഇവിടെയാകെ ലഹരി വ്യാപിക്കണമെന്ന് ഒരു മുന്നണിയും ആഗ്രഹിക്കുന്നില്ല. യുവജന വിദ്യാര്‍ത്ഥി സംഘടനകളും ക്യാംപെയിന്‍ സംഘടിപ്പിച്ചുവരികയാണ്. കോണ്‍ഗ്രസ് ആണ് കേരളത്തിലെ ലഹരി ഏജന്റ് […]

എസ്എഫ്ഐ എന്ന സംഘടനയെ പിരിച്ചുവിടണമെന്നും കേരളത്തിൽ ലഹരി വ്യാപകമാകുന്നതിന്‍റെ പ്രധാന കാരണം എസ്എഫ്ഐയിൽ ഉള്ളവരാണെന്നും ചെന്നിത്തല ആരോപിച്ചു.കളമശ്ശേരി പോളിടെക്നിക് ലഹരി കേസുമായി ബന്ധപ്പെട്ട് കടുത്ത വിമർശനവുമായി കോൺഗ്രസ് നേതാവ് രമേഷ് ചെന്നിത്തല രംഗത്തെത്തി.രാഷ്ട്രീയ സംരക്ഷണം ഉള്ളത് കൊണ്ടാണ് ലഹരി മാഫിയ കേരളത്തിൽ വ്യാപകമാകുന്നതെന്നും 9 വർഷം കേരളം ഭരിച്ചിട്ടും ലഹരിയുടെ വേരറുക്കാൻ കേരളത്തിലെ മുഖ്യമന്ത്രിക്ക് എന്തുകൊണ്ട് സാധിച്ചില്ലെന്നും ചെന്നിത്തല പറഞ്ഞു.

കൊല്ലം കടയ്ക്കൽ ക്ഷേത്രത്തിലെ ഉത്സവത്തിനിടെ സിപിഐഎം ​ഗാനവും കൊടിയും ഉപയോ​ഗിച്ച സംഭവത്തിൽ ദേവസ്വം വിജിലൻസ് അന്വേഷണം നടത്തും. ദേവസ്വം ബോർഡ് പ്രസിഡന്റ് പി എസ് പ്രശാന്ത് ആണ് ഇക്കാര്യം അറിയിച്ചിരിക്കുന്നത്. റിപ്പോർട്ട് ലഭിച്ചാൽ ആർക്കെതിരെ ആയാലും അന്വേഷണം ഉണ്ടാകുമെന്ന് അദ്ദേഹം ഒരു മാദ്ധ്യമത്തോട് പറഞ്ഞു.ക്ഷേത്രങ്ങളിൽ രാഷ്ട്രീയപാർട്ടികളുടെ അടയാളം പാടില്ലെന്ന് കോടതി നിർദ്ദേശമുണ്ട്. ഉപദേശക സമിതിക്ക് വീഴ്ച ഉണ്ടായെന്ന് ദേവസ്വം ബോർഡ് പ്രസിഡന്റ് പറഞ്ഞു. അന്വേഷണ റിപ്പോർട്ട് ലഭിച്ച ശേഷം നടപടിയെടുക്കുമെന്ന് പി എസ് പ്രശാന്ത് വ്യക്തമാക്കി. തിരുവിതാംകൂർ […]

കഞ്ചാവ് പിരിവിനായി വിദ്യാർത്ഥികൾ വാട്‌സാപ്പ് ഗ്രൂപ്പുണ്ടാക്കിയതായി പൊലീസ് കണ്ടെത്തി. വാട്‌സാപ്പ് ഗ്രൂപ്പ് തുടങ്ങിയ വിവരം അറിഞ്ഞ പൊലീസിന്റെ സ്‌പെഷ്യൽ ബ്രാഞ്ച് ഗ്രൂപ്പിലേയ്ക്ക് നുഴഞ്ഞുകയറിയാണ് വിവരങ്ങൾ ചോർത്തിയത്. ചാറ്റുകൾ ചോർത്തിയതിലൂടെ എപ്പോൾ ഏത് മുറിയിൽ കഞ്ചാവ് എത്തും എന്നതുവരെയുള്ള വിവരങ്ങൾ പൊലീസിന് ലഭിച്ചിരുന്നു.ചില്ലറ വിൽപനയാണ് വാട്‌സാപ്പ് ഗ്രൂപ്പിലൂടെ നടത്തിയിരുന്നത്. അഞ്ചുഗ്രാമിന്റെ ഒരു പൊതിക്ക് 500 രൂപയാണ് വിലയിട്ടത്. കഞ്ചാവുപൊതി എങ്ങനെയെത്തുന്നു എന്ന വിവരം ലഭിക്കാത്തതിനാൽ പൊലീസ് കാത്തിരുന്നു. ഇതിനിടെ ജി11 മുറിയിൽ കഞ്ചാവ് എത്തിയെന്നുള്ള വിവരം വ്യാഴാഴ്‌ചയോടെ വാട്‌സാപ്പ് […]

പാലക്കാട് മീനാക്ഷിപുരത്ത് നാലംഗ സംഘത്തിന്റെ മർദനമേറ്റ് തോട്ടം നടത്തിപ്പുകാരൻ കുഴഞ്ഞ് വീണ് മരിച്ചു. ഗോപാലപുരം സ്വദേശി ജ്ഞാനശക്തി വേൽ ആണ് മരിച്ചത്. നാലംഗ സംഘം കന്നിമാരി വരവൂരിലെ തോട്ടത്തിൽ അതിക്രമിച്ച് കയറി ഇയാളെ മർദിച്ചിരുന്നു.തുടര്‍ന്ന് ഇയാളെ പൊള്ളാച്ചിയിലെ സര്‍ക്കാര്‍ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. കന്നിമാരി വരവൂർ സ്വദേശികളാണ് ജ്ഞാനശക്തി വേലിനെ മർദിച്ചത്. പ്രതികളെ കണ്ടെത്താൻ സാധിച്ചിട്ടില്ല. മർദനമേറ്റതാണോ മരണ കാരണമെന്ന് പോസ്റ്റ്മോർട്ടം റിപ്പോർട്ടിന് ശേഷം മാത്രമേ സ്ഥിരീകരിക്കുകയുള്ളു.

ലഹരി ഉപയോഗം തടയുന്നതിന് കുന്ദമംഗലം എക്സൈസ് വകുപ്പിന്റെ നേതൃത്വത്തിൽ നടത്തിയ പരിശോധനയിൽ കാരന്തുരിൽ നിന്ന് 450 ഗ്രാം കഞ്ചാവ് മൂന്ന് യുവാക്കളിൽ നിന്നായി പിടിച്ചെടുത്തു.കാരന്തൂർ പാറക്കടവ് ഹര ഹര കാവ് റോഡിലെ ഇലക്ട്രിക് പോസ്റ്റ് സമീപത്തു വെച്ചാണ് കഞ്ചാവ് പിടിച്ചെടുത്തത്.200 ഗ്രാം കഞ്ചാവ് കൈവശം വെച്ച കുറ്റത്തിന് വയനാട് പൂത്തകൊല്ലി ചന്നിയൻ വീട്ടിൽ മുഹമ്മദ് മകൻ ഷഫീഖ് സി,50 ഗ്രാം കഞ്ചാവ് കൈവശം വെച്ചത്തിന് മുണ്ടിക്കൽ താഴം നടപ്പാലം കുനിയിൽ താഴം പൊറ്റമ്മൽ വീട്ടിൽ അബ്ബാസ് മകൻ […]

ലഹരിക്കെതിരെ നാട് ഒന്നിച്ച് പോരാടുമ്പോൾ ലഹരി കെണിയിൽ നിന്ന് ഇതുവരെ രക്ഷപ്പെട്ടു വന്നത് 7369 കുട്ടികൾ. എക്സൈസിന്റെ ചികിത്സാകേന്ദ്രങ്ങളായ വിമുക്തിയിലൂടെ ജീവിതത്തിലേക്ക് തിരിച്ചു വന്നത്.2021 മുതൽ ഈ ഫെബ്രുവരിവരെയുള്ള കണക്കാണിത്. ഈ ജനുവരിയിലും ഫെബ്രുവരിയിലുമായി 588 പേരാണ് എത്തിയത്.സ്വകാര്യ ആശുപത്രികളിലും മറ്റു കൗൺസലിംഗ് കേന്ദ്രങ്ങളിലും എത്തുന്ന കുട്ടികളുടെ എണ്ണം ഇതിന്റെ പതിൻമടങ്ങ് വരും.പുതിയ ഇനം ലഹരി ഉപയേ‍ാഗിക്കുന്ന പെൺകുട്ടികളുടെ എണ്ണം കൂടിവരികയാണെന്ന് എക്സെെസ് ഉദ്യോഗസ്ഥർ പറയുന്നു. കഞ്ചാവ്, ഹാഷിഷ് ഓയിൽ, എം.ഡി.എം.എ, മെത്താംഫിറ്റമിൻ തുടങ്ങിയവയാണ് വ്യാപകമായി ഉപയോഗിക്കുന്നത്.2018 […]

തിരുവനന്തപുരം: സ്‌പോര്‍ട്‌സ് ക്വാട്ട പ്രകാരം ഫുട്‌ബോളര്‍ അനസ് എടത്തൊടികയ്ക്ക് ജോലി നല്‍കിയില്ലെന്ന വാര്‍ത്ത അടിസ്ഥാനരഹിതവും വാസ്തവ വിരുദ്ധവുമാണെന്ന് കായിക മന്ത്രി വി അബ്ദുറഹിമാന്‍ പറഞ്ഞു. സര്‍ക്കാരിന്റെ സ്‌പോര്‍ട്‌സ് ക്വാട്ട നിയമനത്തിനുള്ള നിലവിലെ മാനദണ്ഡ പ്രകാരം അനസിന് അപേക്ഷിക്കാന്‍ കഴിയില്ല. ഈ വസ്തുത മറച്ചുവെച്ച് സര്‍ക്കാരിനെ മോശമായി ചിത്രീകരിക്കാന്‍ കൂട്ടുനില്‍ക്കുകയാണ് ചില മാധ്യമങ്ങള്‍.പൊതു ഭരണ വകുപ്പിന്റെ നേതൃത്വത്തില്‍ കൃത്യമായ മാനദണ്ഡങ്ങള്‍ നിശ്ചയിച്ചും ഏറ്റവും സുതാര്യമായും നടക്കുന്നതാണ് സംസ്ഥാന സര്‍ക്കാരിന്റെ സ്‌പോര്‍ട്‌സ് ക്വാട്ട നിയമനം. പിഎസ്‌സിയുടെ ചുമതലയുള്ള പൊതുഭരണ വകുപ്പാണ് […]

മാസങ്ങളായി വെള്ളവും വെളിച്ചവുമില്ലാതെ ദുരിതമനുഭവിക്കുന്ന രാജലക്ഷ്മിക്ക് വൈദ്യുതി കണക്ഷൻ ലഭിച്ചു.കെഎസ്ഇബിയുടെ സംയോജിതമായ ഇടപെടലിനെ തുടർന്നാണ് വൈദ്യുതി കണക്ഷൻ ലഭിച്ചത്. സ്വന്തം വീട്ടിൽ വെള്ളവും വെളിച്ചവുമില്ലാതെ മാസങ്ങളോളം താമസിക്കേണ്ടി വന്ന 55 വയസ്സുകാരി രാജലക്ഷ്മിയുടെ കഥ പുറംലോകത്ത് എത്തിച്ചത് ജനശബ്ദമാണ്. ഇലക്ട്രീഷ്യൻ സതീഷ് വഴിയാണ് വയോധികയുടെ ദയനീയ അവസ്ഥ ജനശബ്ദം അറിയുന്നത്. ഈ കൊടും വേനലിലും ഫാൻ ഇല്ലാതെയാണ് ഇവർ അവിടെ താമസിച്ചിരുന്നത്. വൈദ്യുതി കണക്ഷൻ ലഭിക്കുന്നതിന് നാല് ഇലക്ട്രിക് പോസ്റ്റുകൾ ആവശ്യമായിരുന്നു. നിർധന കുടുംബത്തിന് ആ തുക […]

മലപ്പുറത്ത് ഡ്യൂട്ടിക്കിടെ പഞ്ചായത്ത് സെക്രട്ടറി മദ്യപിച്ചു റോഡിൽ കിടന്നു. വെട്ടത്തൂർ പഞ്ചായത്ത് സെക്രട്ടറി ഷാജിമോൻ കെ.പി ആണ് മദ്യലഹരിയിൽ പെരിന്തൽമണ്ണയിൽ റോഡരികിൽ കിടന്നത്. ഇയാളെ പൊലീസ് ആശുപത്രിയിൽ എത്തിച്ചു. വൈദ്യപരിശോധനയിൽ ഇയാൾ മദ്യപിച്ചെന്ന് സ്ഥിരീകരിച്ചു.ഇയാള്‍ക്കെതിരെ പെരിന്തല്‍മണ്ണ പൊലീസ് കേസെടുത്തു. പൊതു സ്ഥലത്ത് മദ്യപിക്കുകയും ആളുകള്‍ക്ക് ശല്യമുണ്ടാക്കുകയും ചെയ്തതിനാണ് കേസ്. ഡ്യൂട്ടിക്കിടെ നടന്ന സംഭവമായതിനാൽ ഇദ്ദേഹത്തിനെതിരെ വകുപ്പ് തല നടപടിയുണ്ടായേക്കും.