Author: janashabdham online

നിയമസഭാ തെരഞ്ഞെടുപ്പില്‍ നടന്‍ ധര്‍മ്മജനെ മത്സരിപ്പിക്കരുതെന്ന് ബാലുശ്ശേരി മണ്ഡലം കമ്മിറ്റി. ധര്‍മ്മജന്‍ മത്സരിക്കുന്നത് യു.ഡി.എഫിന് ക്ഷീണം ചെയ്യുമെന്നും ധര്‍മ്മജനെ സ്ഥാനാര്‍ഥിയായി അംഗീകരിക്കാനാകില്ലെന്നും മണ്ഡലം കമ്മിറ്റി സംസ്ഥാന നേതൃത്വത്തെ കത്തിലൂടെ അറിയിച്ചു.നടിയെ ആക്രമിച്ച കേസില്‍ പ്രതിയായ ദിലീപിനെ പിന്തുണച്ചത് ചര്‍ച്ച ചെയ്യപ്പെടുമെന്ന് പരാതിയില്‍ ചൂണ്ടിക്കാട്ടി. കോഴിക്കോട് ജില്ലയിലെ ബാലുശ്ശേരി മണ്ഡലം ധര്‍മ്മജന് വേണ്ടി പരിഗണിക്കുന്നെന്ന റിപ്പോര്‍ട്ടുണ്ടായിരുന്നു.ധർമജനെക്കാള്‍ മികച്ച സ്ഥാനാർഥിയെ നല്‍കിയാല്‍ വിജയം ഉറപ്പാണെന്നും കത്തില്‍ പറയുന്നു. ധര്‍മ്മജനെക്കാള്‍ മികച്ച വിദ്യാഭ്യാസ യോഗ്യതയും പ്രാപ്തിയുമുള്ളയാളെ സ്ഥാനാര്‍ഥിയാക്കണമെന്നാണ് കത്തിലെ പ്രധാന ആവശ്യം.