കോഴിക്കോട്: തിരുവനന്തപുരം മെഡിക്കല് കോളജില് ശസ്ത്രക്രിയ ഉപകരണങ്ങളില്ലെന്ന വെളിപ്പെടുത്തല് നടത്തിയ യൂറോളജി വിഭാഗം മേധാവി ഡോ. ഹാരിസ് ചിറക്കലിനെതിരെ വിമര്ശനവുമായി സി.പി.എം മുഖപത്രത്തില് മുഖപ്രസംഗം. ആരോഗ്യ മേഖലയെ തകര്ക്കാന് ശ്രമമെന്ന് ‘ഇത് തിരുത്തല്ല, തകര്ക്കല്’ എന്ന തലക്കെട്ടിലെഴുതിയ മുഖപ്രസംഗത്തില് പറയുന്നു. ഡോ. ഹാരിസിന്റെ വെളിപ്പെടുത്തലിനെതിരെ മുഖ്യമന്ത്രി പരസ്യ അതൃപ്തി അറിയിച്ചതിന് പിന്നാലെയാണ് സി.പി.എം മുഖപത്രത്തിലെ വിമര്ശനം.
ഡോ. ഹാരിസ് ചിറക്കലിന്റെ തുറന്നുപറച്ചില് തെറ്റിദ്ധാരണ ഉണ്ടാക്കി. പൊതുജനാരോഗ്യ മേഖലയെ തകര്ക്കാന് നീക്കം നടക്കുന്നു. പിഴവ് ചൂണ്ടിക്കാണിക്കുന്നതും തിരുത്താന് ശ്രമിക്കുന്നതും മനസിലാക്കാം. ഒരു പോരായ്മയുടെ പേരില് മുച്ചൂടും തകര്ക്കാനുള്ള ശ്രമമാണ്.
