യുജിസി നെറ്റ് ചോദ്യപ്പേപ്പറിൽ പിഴവുകളെന്ന് ആരോപണം. സോഷ്യോളജി പരീക്ഷയിലെ ചോദ്യപ്പേപ്പറിൽ പ്രമുഖ സാമൂഹ്യശാസ്ത്രജ്ഞരുടെ പേരുകൾ തെറ്റെന്ന് പരീക്ഷാർഥികൾ. ഇംഗ്ലീഷ് പരീക്ഷയിൽ 67 ചോദ്യങ്ങൾ മുൻ ചോദ്യപ്പേപ്പറുകളിൽ നിന്നാണെന്നും പരീക്ഷാർഥികൾ ചൂണ്ടിക്കാട്ടി. പരാതി ലഭിച്ചിട്ടില്ലെന്നും പിഴവുണ്ടെങ്കിൽ പരിഹരിക്കുമെന്നാണ് എൻടിഎയുടെ പ്രതികരണം.
ഗുരുതരമായ അക്ഷരത്തെറ്റുകളും വ്യാകരണ പിഴവുകളുമുണ്ടെന്നാണ് പരാതി. ഹിന്ദി പരിഭാഷ വളരെ മോശമെന്ന് വിദ്യാർഥികൾ പറയുന്നു. Al ആയിരിക്കാം ചോദ്യപേപ്പർ തയ്യാറാക്കിയതെന്നും ചോദ്യങ്ങൾ മനസ്സിലാക്കാൻ പാടുപെട്ടെന്നും വിദ്യാർത്ഥികൾ പറയുന്നു. ഇംഗ്ലീഷ് പരീക്ഷയിലെ 150 ചോദ്യങ്ങളിൽ 67 എണ്ണം 2024-ലെ പരീക്ഷയിൽ നിന്നുള്ളവയായിരുന്നു.
സോഷ്യോളജി, സൈക്കോളജി എന്നീ വിഷയങ്ങൾ എഴുതിയ ഉദ്യോഗാർത്ഥികൾ പരീക്ഷയുടെ ഗുണനിലവാരത്തെ ചോദ്യം ചെയ്ത് സോഷ്യൽ മീഡിയയിൽ രംഗത്തെത്തി. അക്ഷരത്തെറ്റുകൾ, ആശയക്കുഴപ്പമുണ്ടാക്കുന്ന വിവർത്തനങ്ങൾ, നിർദ്ദിഷ്ട സിലബസിൽ നിന്ന് വ്യത്യസ്തമായ ചോദ്യങ്ങൾ എന്നിവ അവർ ആരോപിച്ചു.
