രാജ്യം ഒമിക്രോൺ വകഭേദം നേരിടാൻ സജ്ജമെന്ന് കേന്ദ്ര ആരോഗ്യമന്ത്രി മൻസുഖ് മാണ്ഡവ്യ.രാജ്യത്തു ഒമിക്രോൺ വകബേദം സ്ഥിരീകരിച്ച സാഹചര്യത്തിൽ എല്ലാ രാജ്യാന്തര യാത്രികരെയും നിരീക്ഷിക്കണമെന്നും കേന്ദ്ര ആരോഗ്യമന്ത്രാലയം അറിയിച്ചു ‘ഹൈ റിസ്ക്’ രാജ്യങ്ങളിൽനിന്ന് എത്തുന്നവരെ പ്രത്യേകം നിരീക്ഷിക്കണമെന്നും മന്ത്രാലയം വ്യക്തമാക്കി. ഇതുമായി ബന്ധപ്പെട്ട് ആരോഗ്യസെക്രട്ടറി സംസ്ഥാന, കേന്ദ്രഭരണപ്രദേശങ്ങളിലെ ചീഫ് സെക്രട്ടറിമാർക്കു കത്തയച്ചു.
കോവിഡ് പോസിറ്റീവാകുന്നവരുടെ സമ്പര്ക്കത്തിലുള്ളവരെ 72 മണിക്കൂറിനുള്ളില് പരിശോധനയ്ക്ക് വിധേയമാക്കണമെന്ന് കത്തിൽ നിര്ദേശമുണ്ട്.
എല്ലാ സംസ്ഥാനങ്ങളിലെയും നിരീക്ഷണ ഉദ്യോഗസ്ഥർക്ക് (എസ്എസ്ഒ) ‘എയർ സുവിധ’ പോർട്ടലിലേക്കു പ്രവേശനം അനുവദിച്ചിട്ടുണ്ട്. വിവിധ രാജ്യാന്തര വിമാനത്താവളങ്ങളിൽനിന്നും സംസ്ഥാനത്തേക്കു വരുന്ന യാത്രക്കാരുടെ വിവരങ്ങൾ ഇതിൽ മുൻകൂട്ടി അറിയാൻ സാധിക്കുമെന്നും ഭൂഷൺ കത്തിൽ അറിയിച്ചു. ഇന്നലെയാണ് വിദേശത്ത് നിന്ന് കര്ണാടകയില് എത്തിയ രണ്ടു പേര്ക്ക് ഒമൈക്രോണ് സ്ഥിരീകരിച്ചത്. ഈ പശ്ചാത്തലത്തിലാണ് ജാഗ്രത വര്ധിപ്പിക്കാന് കേന്ദ്രം നിര്ദേശിച്ചത്.
