ബംഗളൂരു: കര്ണാടകയിലെ വിജയപുരയില് കുഴല്ക്കിണറില് വീണ ഒന്നരവയസ്സുകാരനെ രക്ഷപ്പെടുത്തി. നീണ്ട 20 മണിക്കൂര് നേരത്തെ രക്ഷാപ്രവര്ത്തനത്തിനൊടുവിലാണ് കുഞ്ഞിനെ രക്ഷപ്പെടുത്തിയത്. എന്നാല് കുഞ്ഞിന്റെ ആരോഗ്യനില സംബന്ധിച്ച വിവരങ്ങളൊന്നും ഇതുവരെ വന്നിട്ടില്ല. വരും മണിക്കൂറുകളില് ഇതെക്കുറിച്ച് വിശദമായി അറിയാന് കഴിയുമെന്നാണ് പ്രതീക്ഷ.
വിജയപുരയിലെ ലച്ച്യാന് എന്ന ഗ്രാമത്തിലെ കൃഷിയിടത്തിലുള്ള കുഴല്ക്കിണറില് ഇന്നലെ വൈകിട്ടാണ് ഒന്നരവയസ്സുകാരനായ സാത്വിക് വീണത്. കളിച്ചുകൊണ്ടിരിക്കെയായിരുന്നു അപകടം.